Jarmošyna: Inicyjatyŭnaja hrupa Łukašenki zdała bolš za 100 tysiač podpisaŭ
Bolš za sto tysiač podpisaŭ u padtrymku vyłučeńnia kandydatam u prezidenty Alaksandra Łukašenki ŭžo zdadzieny ŭ terytaryjalnyja vybarčyja kamisii.
Pra heta paviedamiła staršynia Centrvybarkama Lidzija Jarmošyna ŭ videazvarocie na sajcie vybory2015.by.
Akramia taho, adznačyła jana, bolš za 500 podpisaŭ zdadziena ŭ padtrymku vyłučeńnia Anatola Labiedźki.
Zbor inicyjatyŭnymi hrupami podpisaŭ u padtrymku vyłučeńnia kandydataŭ u prezidenty pačaŭsia 23 lipienia i budzie doŭžycca pa 21 žniŭnia ŭklučna. Dla rehistracyi kandydataŭ u prezidenty inicyjatyŭnym hrupam treba sabrać nie mienš za 100 tysiač podpisaŭ.
Jarmošyna padkreśliła, što vybarčaja kampanija «prachodzić spakojna». «U Centralnuju kamisiju nie pastupiła ni adnoj skarhi z nahody pracy inicyjatyŭnych hrup. Inicyjatyŭnyja hrupy vykonvajuć zakon i taksama dziejničajuć vielmi karektna, vykonvajučy intaresy hramadzian i inšych inicyjatyŭnych hrup», — skazała jana.
Staršynia CVK taksama paviedamiła, što ŭ 153 terytaryjalnych kamisijach akredytavana 188 nacyjanalnych naziralnikaŭ.
Piatyja vybary prezidenta Respubliki Biełaruś pryznačanyja na 11 kastryčnika.
Kamientary