63-hadovy minski prahramist stvaraŭ bieźlimitnyja prajaznyja na mietro
Bo ŭmieŭ.
Suprać 63-hadovaha minskaha prahramista raspačataja kryminalnaja sprava, paviedamlaje Śledčy kamitet. Jaho padazrajuć u vyrabie bieźlimitnych prajaznych na mietro, što traplaje pad artykuł kryminalnaha kodeksu pra niesankcyjanavany dostup da kampjutarnaj infarmacyi.
Prahramist pracavaŭ u zakrytym akcyjaniernym tavarystvie, što śpiecyjalizavałasia na prajaznych-radyjokartkach. Jon skarystaŭsia svaimi prafiesijnymi viedami i prahramavaŭ «pustyja» radyjokartki na paŭtornaje šmatrazovaje vykarystańnie. Prajaznyja jon pieradaŭ dačce i niekalkim znajomym.
Śledčy kamitet śćviardžaje, što takija machlarstvy z elektronnymi prajaznymi vykryvajucca imhnienna. Milicyja vyličyła jak karystalnikaŭ iłžeprajazdnych, tak i ich vyrabnika.
Rasśledavańnie praciahvajecca, vyśviatlajecca dakładny pamier škody transpartnikam i kolkaść epizodaŭ spravy. Złamyśniku moža pahražać jak prosty štraf, tak i bolš žorstkija pakarańni — da dvuch hod pazbaŭleńnia voli. Pravavaja acenka budzie dadzienaja dziejańniam nie tolki vyrabnika, ale i karystalnikaŭ kartak.
Kamientary