Kaniešnie, nie «Ziamla 2.0», zatoje da jaje tolki 21 hod. Śvietłavy.
NASA paviedamiła ab znachodžańni samaj blizkaj da Soniečnaj sistemy ekzapłaniety — HD 219134b. Adlehłaść da jaje — usiaho 21 śvietłavy hod.
Na HD 219134b naŭrad ci mahło zaradzicca arhaničnaje žyćcio, jana znachodzicca zanadta blizka da svajoj zorki. Tym nie mieniej, dla daśledčykaŭ takaja blizkaja płanieta — sapraŭdny skarb.
Płanieta skalistaja, u 1,6 raz bolšaja za Ziamlu.
HD 219134b była adkrytaja ziamnym teleskopam na Kanarskich astravach, zatym detalova daśledavanaja kaśmičnym teleskopam «Śpitcer». Ź Ziamli jana bačnaja la suzorja Kasijapiei, niedaloka ad Palarnaj zorki.
Pa słovach supracoŭnika navukovaj misii kaśmičnaha teleskopa «Śpitcer», hetaja płanieta stanie adnoj z najlepš vyvučanych ekzapłaniet u bližejšyja dziesiacihodździ. Inšyja ekzapłaniety znachodziacca čaściej za ŭsio ŭ sotniach, tysiačach śvietłavych hod ad nas.
Tydzień tamu NASA paviedamiła pra adkryćcio «Ziamli 2.0» — amal poŭnaj kopii Ziamli. Płanieta dobra padychodzić dla zaradžeńnia žyćcia. Praŭda, lacieć da jaje ź siońniašnimi technałohijami daviadziecca paŭmiljarda ziamnych hod, ad nas da jaje 1400 śvietłavych hod.
Choć HD 219134b na dva paradki bližej, palot na jaje naŭrad ci metazhodny: 0,0005 śvietłavych hoda da Płutona čałaviečy aparat lacieŭ 9 hod.
Kamientary