Foto: @RoslyakovAP
Były premjer-ministr Ukrainy Mikałaj Azaraŭ abvieściŭ u paniadziełak ab stvareńni Kamiteta vyratavańnia Ukrainy.
«My zajaŭlajem, što va Ukrainie stvorany i dziejničajuć kamitety vyratavańnia Ukrainy! My prapanujem usim hramadzianam, palityčnym partyjam, prafsajuznym i hramadzkim rucham abjadnacca i ahulnymi namahańniami navieści paradak u našym domie», — zajaviŭ jon na pres-kanfierencyi ŭ Maskvie.
Paśladoŭniki ruchu majuć namier damahacca daterminovych vybaraŭ — prezidenckich, parłamienckich i ŭ miascovyja orhany ŭłady.
«Dla złačyncaŭ, jakija zładzili ŭzbrojeny dziaržpieravarot, vykarystoŭvajučy spraviadlivy narodny hnieŭ, čałaviečaje žyćcio nie źjaŭlajecca nijakaj kaštoŭnaściu», — havorycca ŭ zvarocie.
Akramia taho, u Kamitecie ŭžo vybrali kandydaturu na post prezidenta Ukrainy ŭ vypadku praviadzieńnia daterminovych vybaraŭ — Uładzimira Alejnika, padazravanaha va Ukrainie ŭ arhanizacyi niezakonnaha hałasavańnia ŭ Viarchoŭnaj Radzie.
U Kramli ŭžo paśpieli prakamientavać novy ruch.
Pres-sakratar rasijskaha prezidenta Dźmitryj Piaskoŭ zajaviŭ: «U Kramli, biezumoŭna, nie majuć nijakaha dačynieńnia da hetaj inicyjatyvy. Nie mahło i nie moža iści havorki pra uzhadnieńnie hetaj inicyjatyvy ź niejkimi aficyjnymi ŭładami tut, u Rasii, i tym bolš uzhadnieńnie kandydatury Alejnika».
Sam Mikałaj Azaraŭ z 12 studzienia znachodzicca ŭ mižnarodnym vyšuku pa linii Interpoła.