Top biełaruskich damienaŭ, jakija možna vykupić na aŭkcyjonie
Rekord biełaruskamoŭnych damienaŭ pakul — 55,6 młn za taksi.bieł.
U Biełarusi prachodzić druhi etap stvareńnia kiryličnaj damiennaj zony BIEŁ. Pra cikavyja prapanovy na aŭkcyjonach «Našaj Nivie» raspavioŭ hoster.by (jon ža — chostier.bieł).
Ad 1 červienia dva razy na miesiac prachodziać dabračynnyja aŭkcyjony, na jakich možna kupić «pryhožyja» kiryličnyja damieny — jak pa-rusku (naprykład, kupił.bieł), tak i pa-biełarusku (kupiŭ.bieł). Takija damieny «raŭnapraŭnyja» z łacinkavymi, spasyłki spracujuć u lubym sučasnym braŭziery.
Najbližejšy aŭkcyjon pačniecca na sajcie auction.cctld.by 5 žniŭnia, nastupnyja buduć prachodzić raz na dva tydni, apošni — z 28 vieraśnia. Start aŭkcyjonu a 12-j hadzinie dnia, praciahłaść — try dni.
Na nastupnych aŭkcyjonach buduć razyhranyja šmatlikija «pryhožyja» damieny, siarod ich i biełaruskamoŭnyja:
- abibok.bieł
- biełaruski.bieł
- lizinh.bieł
- minsk.bieł
- nadvorje.bieł
- prypynak.bieł
- ramki.bieł
Kali baiciesia stracić pryhožy damien, padać zajaŭku na dadańnie damiena na aŭkcyjon možna na sajcie hoster.by.
Za čas papiarednich aŭkcyjonaŭ samym darahim biełaruskamoŭnym damienam byŭ taksi.bieł — za jaho addali 55 młn 600 tysiač, što bolš čym u 100 razoŭ pieravysiła minimalnuju vyjhryšnuju staŭku ŭ 500 tysiač. Samym darahim biełaruskim kiryličnym damienam na momant publikacyi jość avto.bieł — za jaho addali 315 młn.
Usie srodki, vyručanyja z aŭkcyjonaŭ (za vyklučeńniem 300 tysiač z łota — standartnaha koštu rehistracyi damiennaha imia) nakiroŭvajucca na na padtrymku dziaciej-sirot i dziaciej, jakija zastalisia biez apieki baćkoŭ. Za pieršyja try aŭkcyjony (biez uliku čaćviortaha, što prajšoŭ 27-29 lipienia) dziciačym damam Biełarusi akazanaja dapamoha ŭ pamiery 3,5 młrd rubloŭ (amal 230 tysiač dalaraŭ).
Paśla dabračynnych aŭkcyjonaŭ startuje apošni etap ukaranieńnia kiryličnych damienaŭ — z 1 kastryčnika damien BIEŁ možna budzie zarehistravać na ahulnych pravach, tak ža, jak i damien BY.
Kamientary