…i zabaranili hladzieć jaho nie na Youtube.
Biełaruski pop-rok-hurt Nuteki pradstaviŭ klip na pieśniu «Bolšie čiem ty» — pieršy 360-hradusny muzyčny klip Biełarusi. Ź nieviadomych pryčyn hurt zabaraniŭ ustaŭku płejera na inšyja sajty — pahladzieć klip možna tolki pa spasyłcy nižej.
Prahladzieć videa možna jak z kampjutara (prakručvać karcinku treba myškaj) albo z telefona (tady krucić možna i sam telefon). Taksama videa možna pahladzieć praz akulary virtualnaj realnaści (pry ich najaŭnaści).
Videa zdymałasia na dachu minskaha handlovaha centra, u zdymkach uziali ŭdzieł bubnačy, tancoŭščycy, skiejtary i ravarysty, šykoŭnyja aŭto. Režysioram klipa staŭ Maksim Maksimaŭ supolna sa studyjaj Feeling Films. Heta druhi klip na pieśniu sa śviežaha alboma Nuteki «Dni-kiłamietry».
Nuteki byli zasnavanyja ŭ 2007 hodzie babrujčanami Michaiłam Nakarašvili i Kiryłam Maciušenkam, u chutkim časie muzyki pierajechali ŭ Maskvu. Praktyčna ad pačatku dziejnaści mieli pośpiech u Rasii. Try razy sprabavali siły ŭ adbory na «Jeŭrabačańnie» ad Rasii (najlepšy vynik — druhoje miesca ŭ 2013-m). Vydali try albomy i try mini-albomy, klip na «Bolšie čiem ty» staŭ 14-m u ich videahrafii.
Youtube daŭ mahčymaść zapampoŭvać i prahladać śfieryčnyja videa ŭviesnu 2015 hoda. Siarod pieršych śfieryčnych videa byŭ muzyčny klip rasiejca Noize MC. Adzin ź pieršych śfieryčnych klipaŭ, źniatych nie z adnoha rakursu, pradstaviŭ vakalist Linkin Park Majk Šynoda.
Hladzicie taksama: Top-5 śfieryčnych videa
Ciapier čytajuć
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj82
Kamientary