Kijeŭski rajonny sud Adesy vynies prysud haradskomu hałavie Biełharada-Dniastroŭskaha Iharu Nanoŭskamu, paviedamlaje censor.net.ua
Jon asudžany na 6 hadoŭ pazbaŭleńnia voli z pazbaŭleńniem prava zajmać pasady ŭ orhanach miascovaha samakiravańnia terminam na try hady i z kanfiskacyjaj majomaści za atrymańnie niepravamiernaj vyhady.
U paviedamleńni pres-słužby suda adznačajecca: «Nanoŭskaha I.M. abvinavačvali ŭ ździajśnieńni kryminalnych pravaparušeńniaŭ, praduhledžanych č. 4 art. 368 i č. 1 art. 364 KK Ukrainy za vymahalnictva i atrymańnie ad pradprymalnika niepravamiernaj vyhady ŭ pamiery 16000 hrn.
Paciarpieły, pradprymalnik, z pryčyny pastajannych vymahalnictvaŭ źviarnuŭsia pa dapamohu ŭ pravaachoŭnyja orhany i pahadziŭsia supracoŭničać z apošnimi ŭ metach vykryćcia chabarnika».
Fakt pieradačy chabaru byŭ zafiksavany z dapamohaj aŭdyjo i videa. Padčas apošniaj pieradačy hrašovych srodkaŭ, haradski hałava byŭ zatrymany supracoŭnikami milicyi ŭ jaho słužbovym kabiniecie.
U sudovych pasiadžeńniach abvinavačvany svaju vinu nie pryznaŭ i patłumačyŭ, što heta palityčnaja zamova. Abvinavačany byŭ uziaty pad vartu ŭ zale suda».
Ihar Nanoŭski naradziŭsia ŭ siamji vajskoŭca, žyŭ u Minsku, skončyŭ BPI (ciapier BNTU).
Zajmaŭ pasady hiendyrektara pradpryjemstvaŭ Hiemapłast, Biełmiedpłast, Ciumień-Miedyka-Ukraina, Ciumień-Miedyka-Śmiła. U 2010 hodzie byŭ abrany Biełharad-Dniastroŭskim haradskim hałavoj.
Pasoł Sidarenka pakončyŭ z saboj, nie vytrymaŭ dopytaŭ KDB27
Kamientary