Praz haračy antycykłon praciahvajuć abnaŭlacca tempieraturnyja rekordy.
7 žniŭnia novyja maksimumy dnia zarehistravany ŭ Minsku — plus 33,8 hradusa (było 33,6 u 2010 hodzie), Breście — 35,1 (34,7 u 1952 hodzie) i Hrodnie — 34,1 (33 u 1971 hodzie). Pry hetym u stalicy i Hrodnie novyja rekordy ŭstanaŭlivajucca druhi dzień zapar.
Ciaplej za ŭsio było ŭ piatnicu ŭ Ivacevičach (Bresckaja vobłaść) i Žytkavičach (Homielskaja vobłaść) — 35,2 hradusa. U pieršym rajcentry rekord pabity (było 32,1 u 2010 hodzie), u druhim — vystajaŭ (35,7 taksama ŭ 2010 hodzie).
U Viciebsku, Mahilovie i Homieli rekordy, ustanoŭlenyja ŭ anamalna haračym žniŭni 2010 hoda, zastalisia raniejšymi (piać hadoŭ tamu ciaplej było va ŭschodniaj pałovie krainy, ciapier — u zachodniaj).
8 žniŭnia sinaptyčnaja situacyja nie źmienicca. Dniom budzie ad 30 da 36 hradusaŭ vyšej za nul.
(Vykarystanyja dadzienyja resursaŭ nadvorja meteoinfo.by i hmc.by.)
