Biełaruś, Kazachstan i krainy Bałtyi dapamahajuć krainam Zachadu tanna i lohka abychodzić rasijskaje charčovaje embarha. Pra heta resursu forbes.ru zajaviŭ hiendyrektar pieciarburhskaha ZAT «Ruski łahistyčny pravajder» Rusłan Kis.
«Siońnia kala 40-50% tavaraŭ z sankcyjnych śpisu ŭ RF traplajuć praź Biełaruś i Kazachstan. Jašče istotnaja častka [zabaronienaha impartu] u krainach Bałtyi ź ispanskaj, niamieckaj, italjanskaj i h.d. robicca jehipieckaj, pakistanskaj, sierbskaj i h.d.» — skazaŭ Kis.
Źmiena markiroŭki pastaŭlenaja na patok i abychodzicca imparcioram niadoraha. Pa słovach Kisa, pakiet dakumientaŭ dla partyi zabaronienaj sadaviny ci harodniny ŭ Biełarusi kaštuje 5 tysiač dalaraŭ. «Za 300 000 [rasijskich] rubloŭ na praciahu pary hadzin polskija jabłyki stanuć u vas choć sierbskimi, choć arhientynskimi abo izrailskimi. U Kłajpiedzie kanadskija krevietki za 5 tysiač jeŭra stanuć banhładešskimi. I ŭsie dakumienty (ad biełarusaŭ, ad prybałtaŭ) buduć niby aryhinalnyja — fita- i vieterynarnyja siertyfikaty na papiery z vadzianymi znakami», — kaža rasijski ekśpiert.
Toje, što imparciory znachodziać ščyliny ŭ embarha, pryznajuć i łabisty rasijskich tavaravytvorcaŭ. «Ekspart litoŭskich małočnych praduktaŭ va Uźbiekistan u śniežni pavialičyŭsia ŭ 19 razoŭ, ale spažyvańnie nie vyrasła, — raspaviadaje Maryja Žebit, dyrektar pa suviaziach z hramadskaściu i dziaržorhanami Nacyjanalnaha sajuza vytvorcaŭ małaka («Sajuzmałako»). — Heta śviedčyć pra toje, što ŭsie hetyja pradukty ŭvozilisia ŭ Rasiju. Praź inšyja krainy SND i praz Mytny sajuz -i Kazachstan i Biełaruś -i taksama prachodziać pastaŭki zabaronienaj pradukcyi. Hety praces składana adsočvać i kantralavać».
