Da 89°: jak vyhladaje raspaleny Minsk praź ciepłavizar FOTA
Hety žnivień bje ŭsie rekordy: pavietra na vulicy kožny dzień nahravajecca da 30—35 hradusaŭ.
42.TUT.BY uzbroiŭsia ciepłavizaram i vyrašyŭ pahladzieć na nahrety Minsk u infračyrvonym vypramieńvańni, a zaadno vyznačyć tempieraturu budynkaŭ, daroh i hramadskaha transpartu.
Razam z pryboram vychodzim u centr Minska. Na hadzińniku — a pałovie na treciuju, tempieratura pavietra +32°, na niebie — ni abłačyny. U časovaje karystańnie nam dastaŭsia ciepłavizar FLIR i7 ad pastaŭščyka «Pryborhandal». Hety instrumient daje karcinku nievialikaha pamieru, fiksuje infračyrvonaje vypramieńvańnie ad pradmietaŭ i vyznačaje ich tempieraturu, adznačajučy samuju haračuju abo samuju chałodnuju kropku.
Pierš za ŭsio «celim» ciepłavizaram u hałoŭnych achviar śpiakoty — mašyny na parkoŭcy. Ciepłavizar pakazvaje značeńni bolš za +60°, asabliva hrejucca ciomnyja mašyny. Rekardsmien — čornaja inšamarka, jakaja, vidavočna, doŭha stajała na vulicy: na rašotcy radyjatara ŭ jaje +89°, a sama mašyna zvonku — amal +70°.
Praviarajem i tratuarnuju plitku. Na vulicy Kamsamolskaj tempieratura zaležyć ad koleru kamianioŭ: ciomnyja nahretyja da +48,4 °, śvietłyja — mienš, choć taksama za +40°. Na praśpiekcie Niezaležnaści tratuar jašče haračejšy — prybor pakazvaje +49,5°.
Niahledziačy na śpiakotu, na Kamsamolskaj dzie-nidzie ludzi adpačyvajuć na łaŭkach. Praŭda, zaniatyja tolki tyja łaŭki, jakija znachodziacca ŭ ciańku. Praviarajem: łava, jakaja staić na soncy, razahreta da +64,6°, takaja ž u ciańku pakazvaje «tolki» +38,7°.
Aŭtamabilnaja trasa praśpiekta Niezaležnaści raspaliłasia da +40°. U inšym punkcie, dzie darohu palili vadoj, ciepłavizar vyznačaje tempieraturu +30,8°.
Parenčy ŭ padziemnym pierachodzie naviersie — bolš za +40°, unizie — +27,5°.
Drevam zusim niesałodka — na učastkach biez travy ziamla nahravajecca da +50°.
Zachodzim u kafeteryj univiersama «Centralny». Unutry pracuje kandycyjanier (praŭda, čamuści tolki adzin z troch). Sam kandycyjanier astudžaje pavietra da prosta fantastyčnych +8,9°, ale ŭnutry tempieratura ścien i stała-stojki ŭsio roŭna trymajecca ŭ rajonie +30°.
Ź cikaŭnaści kuplajem maroziva. Adrazu paśla adkryćcia ŭpakoŭki prybor aceńvaje jaho tempieraturu ŭ -10,5 hradusaŭ! Praŭda, praz chvilinu paśla vychadu na vulicu eskimo ŭžo «nahrełasia» da -4,4°.
Prachodzić jašče para chvilin, stanovicca jasna, što ŭ maroziva šancaŭ na vyžyvańnie mała: ciepłavizar pakazvaje ŭžo -2,1, a samo eskimo pačynaje aktyŭna «ciačy».
U fantanie pobač z Kastryčnickaj płoščaj ŭ jarka-zialonaj vadzie pierabiraje nahami dziaŭčynka hadoŭ vaśmi. U samoj dziaŭčynki tempieratura narmalnaja, a voś vada abiacaje +23°.
Zdymajem maleńkija detali vakoł: hołub čamuści akazvajecca nahretym da +53°, viečka kanalizacyjnaha luka — da + 52°, a kabinka prybiralni pakazvaje +65°.
Pobač prachodzić aŭtobus — jaho tempieratura zvonku +52,3°, a šyn — bolš za +55°.
Zachodzim ŭnutr, adroźnieńniaŭ niašmat: maksimum — tyja ž +50°, samy raspaleny elemient — dach. Ścienki i parenčy, miarkujučy pa škale, +40°.
Uvohule-to na prybor možna «sfatahrafavać» usio što zaŭhodna — ludziej, budynki, tratuarnuju plitku.
Z «prahułki» stanovicca jasna: pradmiety na vulicy ŭ soniečny dzień hrejucca našmat macniej za pavietra.
Naprykancy robim sumiesny partret na ciepłavizar.
Za hadzinu prahułki biez hałaŭnych uboraŭ makuški ŭ nas prykmietna nahrelisia: u śvietłavałosaha fatohrafa tempieratura skłała kala +40°, u žurnalistki, uładalnicy ciomnych vałasoŭ, — vyšej za +45°.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary