Jašče adzin kiroŭca fury źbieh u Biełaruś ad Raśsielhasnahladu razam z hruzam
Upraŭleńnie Raśsielhasnahladu pa Ćviarskoj i Pskoŭskaj abłaściach (RF) paviedamlaje, što biełaruski kiroŭca, jaki pieravoziŭ jałavičynu, źbieh ad rasijskich mytnikaŭ u Biełaruś razam z hruzam.
Pry praviadzieńni słužbovymi asobami Siebiežskaj mytni apieratyŭna-vyšukovych mierapryjemstvaŭ na rasijska-biełaruskim učastku miažy «vyjaŭleny fakt pieramiaščeńnia z terytoryi Respubliki Biełaruś miasnoj syraviny ŭ aŭtatranspartnym srodku dziaržaŭny rehistracyjny numar AI 0799-2, jakim kiravaŭ hramadzianin Respubliki Biełaruś Bacianoŭski V.P., 1977 hoda naradžeńnia, jaki pražyvaje ŭ Viciebskaj vobłaści Respubliki Biełaruś».
U hruzavym adsieku transpartnaha srodku pieravoziłasia «jałavičyna astudžanaja ŭ čaćviarcinach» ŭ kolkaści kala dvuch tony biez markiroŭki, vieterynarnych i tavaratranspartnych dakumientaŭ. Pierasoŭvańnie tavaru ažyćciaŭlałasia z parušeńniami vieterynarna-sanitarnych praviłaŭ transparciroŭki, u transpartnym srodku, nie pryznačanym dla pieravozki miasa, adsutničała chaładzilnaje abstalavańnie. Miasa było raźmieščana navałam, pierakładziena kardonam.
Miarkujuć, što tavar pryznačaŭsia dla realizacyi na terytoryi Pskova i Pskoŭskaj vobłaści. 10 žniŭnia Raśsielhasnahlad zabaraniŭ pierasoŭvańnie tavaru pa mytnaj terytoryi Mytnaha sajuza.
Kiroŭca samavolna, biez dazvołu kantrolnych orhanaŭ, pakinuŭ miežy PPU Dołoscy i jak miarkujecca, nakiravaŭsia ŭ Biełaruś.
Nahadajem, 6 žniŭnia vadziciel, jaki pieravoziŭ 1,5 tony tamataŭ praź biełaruska-rasijskuju miažu, daviedaŭšysia ab ich mahčymym źniščeńni, uhnaŭ aŭtamabil z pradukcyjaj nazad na terytoryju Biełarusi.
Paŭtary tony tamataŭ byli bieź fitasanitarnaha siertyfikata. Pry dahladzie pradukcyi było ŭstanoŭlena adsutnaść markiroŭki na ŭpakoŭcy, vyjaŭleny ślady zryvu etykietak.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary