Biełaruś zacikaŭlena ŭ raźlikach z Ukrainaj u nacyjanalnych valutach. Ab hetym zajaviŭ siońnia žurnalistam ministr zamiežnych spraŭ Biełarusi Uładzimir Makiej pa vynikach pierahavoraŭ sa svaim ukrainskim kaleham Paŭłam Klimkinym.
«My zacikaŭleny ŭ tym, kab raźliki pravodzilisia pamiž našymi subjektami haspadarańnia ŭ hryŭniach, tamu što, nakolki mnie viadoma, našy asobnyja pradpryjemstvy majuć na svaich rachunkach ukrainskuju valutu i ŭkrainskija pradpryjemstvy majuć biełaruskuju valutu», — skazaŭ Uładzimir Makiej.
«Tamu, ja liču, heta narmalny praces, kali my budziem raźličvacca pamiž saboj u nacyjanalnych valutach. Ale heta ŭžo sprava subjektaŭ haspadarańnia», — adznačyŭ ministr.
Pavodle jaho słoŭ, ab hetym išła razmova na pasiadžeńni źmiešanaj biełaruska-ŭkrainskaj mižuradavaj kamisii. «Liču, što my možam padtrymać hety praces», — skazaŭ kiraŭnik MZS Biełarusi.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary