Biełaruś raźličvaje na dapamohu jeŭrapiejskich partnioraŭ u pry ŭparadkavańni miažy z Ukrainaj. Ab hetym zajaviŭ siońnia žurnalistam ministr zamiežnych spraŭ Biełarusi Uładzimir Makiej pa vynikach pierahavoraŭ sa svaim ukrainskim kaleham Paŭłam Klimkinym.
Uładzimir Makiej adznačyŭ, što Biełaruś i Ukraina ciapier aktyŭna pracujuć nad demarkacyjaj ahulnaj hranicy. «Spadziajomsia, što hety praces nie budzie prypynieny i budzie raźvivacca aktyŭna», - skazaŭ jon.
Ministr źviarnuŭ uvahu na toje, što ŭparadkavańnie hranicy — vielmi składanaja, finansavajomistaja, materyjałajomistaja i pracajomkaja rabota, i na heta spatrebicca jak minimum niekalki bližejšych hadoŭ.
«Ale prezidentam Biełarusi pastaŭlena dakładnaja zadača pa ŭparadkavańni hranicy Biełarusi z usimi krainami-susiedziami. I my spadziajomsia, što ŭ hetym hodzie rušym napierad u płanie demarkacyi hranicy z našymi ŭkrainskimi siabrami», — skazaŭ ministr. Pavodle jaho słoŭ, na 2014—2015 hady zapłanavana ŭparadkavać amal 580 km sumiesnaj miažy, pry hetym bolšaja častka rabot užo vykanana.
«Ja ŭpeŭnieny, i my siońnia havaryli ab hetym, što ŭ našych ahulnych intaresach, što było b niadrenna z ulikam ciapierašniaj składanaj finansava-ekanamičnaj situacyi, kab našy jeŭrapiejskija partniory akazali ŭ hetym sadziejničańnie. Našy pahraničnyja viedamstvy pracujuć u hetym napramku», — skazaŭ Uładzimir Makiej.
Pavieł Klimkin u svaju čarhu adznačyŭ, što hranica «ni ŭ jakim razie nie budzie raździalać ukraincaŭ i biełarusaŭ, heta nie budzie pieraškoda dla mižasobasnych kantaktaŭ».
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary