Dziaržstandart Biełarusi vyjaviŭ rasijski čaj ź ćvillu.
Jak paviedamili u pres-słužbie kamiteta, u chodzie pravierki ŭnitarnaha pradpryjemstva «Karavan» (Minsk) u lipieni hetaha hoda było ŭstanoŭlena, što čaj čorny bajchavy drobny pieršaha hatunku (Rasijskaja Fiederacyja), jaki realizavaŭsia pradpryjemstvam, nie adpaviadaje patrabavańniam techničnaha rehłamientu Mytnaha sajuza «Ab biaśpiecy charčovaj pradukcyi» (TR MS 021/2011) pa mikrabijałahičnym pakazčyku.
U pryvatnaści, vyniki vyprabavańniaŭ pakazali, što ŭ adabranych uzorach čaju ŭtrymańnie ćvili pieravysiła normu ŭ 49 razoŭ.
Taksama nie adpaviadała patrabavańniam rehłamientu i markiroŭka pradukcyi: adsutničała abaviazkovaja infarmacyja ab miescy rostu čajnaha lista.
Pa vynikach nahladu inśpiekcyja Dziaržstandarta pa Minskaj vobłaści i Minsku vydała ŭnitarnamu pradpryjemstvu «Karavan» pradpisańnie ab viartańni spažyŭcami i (abo) vyklučeńni z abaračeńnia hetaha čaju.
U vyniku bolš za 11,5 tys. pačkaŭ čaju ź ćvillu było viernuta dla adpraŭki jaho pastaŭščyku — TAA «HD «Kanfucyj» (Rasijskaja Fiederacyja).
Akramia taho, na ŭnitarnym pradpryjemstvie «Karavan» znachodziŭsia na realizacyi čaj čorny bajchavy cejłonski drobny z vodaram klanovaha siropu, viarškoŭ, karamieli Black tea maple tea (klanovy sirop) Riston vyšejšaha hatunku (Šry-Łanka) biez dekłaracyj ab adpaviednaści pradukcyi patrabavańniam TR MS 021/2011. Heta pasłužyła padstavaj da vydačy inśpiektarami zabarony na jaho realizacyju.
Kamientary