U kitajskim Ciańczini — mahutnyja vybuchi: sotni paranienych
Kitajskija ŭłady paviedamlajuć, što ŭzarvaŭsia hruz vybuchovych rečyvaŭ.
U vyniku dvuch mahutnych vybuchaŭ u pramysłovaj zonie horada Ciańcziń na ŭschodzie Kitaja mnostva ludziej atrymali traŭmy roznaj stupieni ciažkaści.
Jak paviedamlaje ahienctva Sińchua, na dadzieny momant u balnicy dastaŭlena nie mienš za 300 paciarpiełych, adnak paranienyja praciahvajuć pastupać. Źviestak ab zahinułych pakul niama.
Pa paviedamleńniach miascovych ŚMI, pieršy vybuch adbyŭsia ŭ 23:30 pa miascovym časie, vybuchnaja chvala ad jaho adčuvałasia ŭ radyusie niekalkich kiłamietraŭ. Prykładna praz paŭchviliny byŭ druhi vybuch.
Paśla hetaha stali razdavacca vybuchi mienšaj mahutnaści — jak miarkujuć, zdetanavali bojeprypasy u porcie.
Aficyjna pryčyna vybuchu pakul nie nazvanaja, adnak dziaržaŭny telekanał China Central Television (SSTV) paviedamiŭ, što padarvałasia partyja vybuchovych rečyvaŭ i cysternaŭ z haručym u hruzavym terminale haradskoha porta.
Na vykładzienych u internet videazapisach bačna, što vybuch supravadžaŭsia aślaplalnaj uspyškaj, a vohnienny słup ŭskinuŭsia ŭ nieba na dziasiatki mietraŭ.
Pa źviestkach CCTV, u vyniku vybuchu ŭ bližejšych damach vybiła vokny i dźviery. Niekalki kvartałaŭ z vyšynnymi budynkami abiastočany.
Ciańcziń, jaki znachodzicca ŭ 96 km na paŭdniovy ŭschod ad Piekina, źjaŭlajecca bujnym partovym-pramysłovym horadam.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary