Harnizonny sud rasijskaj vajennaj bazy ŭ armianskim Hiumry prysudziŭ radavoha Valeryja Piermiakova da dziesiaci hadoŭ kałonii za deziercirstva i kradziež zbroi.
Piermiakoŭ taksama abvinavačvajecca ŭ zabojstvie siamji ź siami čałaviek, adnak heta sprava budzie razhladacca asobna. Praces projdzie ŭ armianskim sudzie, ale ŭ adpaviednaści z rasijskimi zakonami. Pavodle ich jamu pahražaje pažyćciovy termin.
U chodzie pasiadžeńnia ŭ sieradu stała viadoma, što sudova-psichijatryčnaja ekśpiertyza pryznała Piermiakova razumnym. Akramia taho, daktary paličyli, što vajskoviec v momant złačynstva nie znachodziŭsia ŭ stanie afiektu.
Na pasiadžeńni ŭ sieradu Piermiakoŭ daŭ pieršyja publičnyja pakazańni pa spravie. Jon zajaviŭ, što pakinuŭ častku dla taho, kab źbiehčy ŭ Turcyju. Pa słovach zabojcy, aŭtamat i štyk-nož jon uziaŭ z saboj tolki dla taho, kab adpudzić sabak na miažy.
Były vajskoviec zajaviŭ, što kantralavaŭ svaje dziejańni i dobra pamiataje, jak pryjšoŭ da doma siamji Aviecisian. U domie, pa słovach Piermiakova, jon prabyŭ usiaho 15 chvilin. Abvinavačany śćviardžaje, što nie mieŭ namier nikoha zabivać i chacieŭ tolki prystrašyć žycharoŭ.
U sudzie taksama abviaścili pakazańni, jakija vajskoviec daŭ u chodzie papiaredniaha śledstva. Ź ich vynikaje, što paśla zabojstva siamji Aviecisian jon staŭ šukać u domie kaštoŭnaści i ŭpryhažeńni, vykraŭšy ŭ vyniku 5000 dramaŭ (kala 650 ras. rubloŭ).
13 studzienia ŭ Armienii pačalisia stychijnyja akcyi pratestu, mitynhoŭcy patrabavali vydać Piermiakova armianskamu pravasudździu, adnak jon znachodziŭsia paśla zatrymańnia na rasijskaj vajskovaj bazie.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary