Pravaachoŭnyja orhany Biełarusi paćvierdzili infarmacyju ab vyjaŭleńni kanała viarboŭki hramadzian dla ŭdziełu ŭ kanflikcie va Ukrainie.
13 žniŭnia biełaruskaje telebačańnie paviedamiła, što KDB, MUS i Dziaržpahrankamitet raskryli schiemu viarboŭki hramadzian Biełarusi dla ŭdziełu ŭ bajavych dziejańniach na terytoryi Ukrainy. Paviedamlałasia, što arhanizataram kanała viarboŭki byŭ ukrainiec z pazyŭnym «Taras». Viarboŭka viałasia «ŭ asiarodździ maładych radykałaŭ, uklučajučy psichičnachvorych i byłych kryminalnikaŭ, a taksama ŭ fanackaj supolnaści i małaviadomych prafašysckich hrupoŭkach».
«Usio adpaviadaje rečaisnaści», — zajaviŭ BiełaPAN načalnik pres-słužby KDB Dźmitryj Pabiaržyn.
«Tak, heta jość. Viaducca apieratyŭna-vyšukovyja mierapryjemstvy. Ich niuansy nie vydajucca. Tak, kanał byŭ raskryty», — paćvierdziŭ u svaju čarhu pres-sakratar Dziaržpahrankamiteta Alaksandr Ciščanka.
Jon taksama paviedamiŭ, što niekalki dzion tamu ŭ adnym ź biełaruskich haradoŭ baćki 20-hadovaha maładoha čałavieka znajšli zapisku, u jakoj ich syn paviedamlaŭ, što jedzie na vajnu.
Baćki paviedamili ab hetym u pravaachoŭnyja orhany, i chłopca zatrymali pry pierasiačeńni miažy z Ukrainaj.
