Kiraŭnik Viarchoŭnaha kasacyjnaha suda Hrecyi Vasilika Tanu-Chrystafiłu aficyjna pryznačanaja kiraŭnikom pierachodnaha ŭrada Hrecyi paśla adstaŭki Aleksisa Cyprasa.
Takim čynam, Tanu-Chrystafiłu robicca pieršaj žančynaj u historyi krainy, jakaja zaniała hety post.
![](http://nashaniva.com/img/w732d4webp1/photos/z_2015_08/greece2708-y7fls.jpg.webp)
U čaćvier jana pryniasie prysiahu, a paŭnavartasnuju pracu ŭ jakaści premjer-ministra pačnie ŭ piatnicu.
Pryznačeńnie Tanu praduhledžana kanstytucyjaj Hrecyi, u jakoj havorycca, što na pierachodny pieryjad paśla adstaŭki premjer-ministra i da nastupnych vybaraŭ kiraŭnikom urada stanovicca kiraŭnik Viarchoŭnaha suda.
Data pazačarhovych vybaraŭ u Hrecyi, — piatych za apošnija šeść hadoŭ, — budzie abvieščanaja prezidentam Prakopisam Paŭłopułasam na praciahu tydnia. Čakajecca, što vybary pryznačać na kaniec vieraśnia.
Aleksis Cypras 20 žniŭnia na sustrečy ź ministrami i siabrami kirujučaj partyi «Siryza» padaŭ u adstaŭku i abviaściŭ ab nieabchodnaści pravieści daterminovyja parłamienckija vybary.
«Palityčny mandat, atrymany na vybarach 25 studzienia, vyčarpany, i hrekam nieabchodna znoŭ vykazacca nakont svaich pieravah», — skazaŭ Cypras.
Kamientary