Novy vodna-bałotny zakaźnik «Žada» abjaŭleny ŭ Biełarusi

U Biełarusi abjaŭleny novy respublikanski vodna-bałotny zakaźnik «Žada». Takoje rašeńnie źmieščana ŭ pastanovie Savieta Ministraŭ numar 717 ad 26 žniŭnia 2015 hoda, paviedamili ŭ pres-słužbie biełaruskaha ŭrada.

Pavialičyć

Novy zakaźnik budzie znachodzicca na terytoryi Miorskaha i Šarkaŭščynskaha rajonaŭ Viciebskaj vobłaści (ahulnaja płošča - 7 118 ha). Jaho miežy vyznačany ŭ pastanovie.

Zakaźnik «Žada» abjaŭleny ŭ metach zachavańnia ŭ naturalnym stanie kaštoŭnych lesa-bałotnych ekałahičnych sistem, dzikarosłych raślin i dzikich žyvioł, jakija adnosiacca da vidaŭ, uklučanych u Čyrvonuju knihu Respubliki Biełaruś, a taksama miesc, dzie jany rastuć i žyvuć. Na jaho terytoryi zabaraniajecca praviadzieńnie rabot pa hidratechničnaj mielijaracyi, rabot, źviazanych sa źmianieńniem isnujučaha hidrałahičnaha režymu, akramia rabot pa jaho adnaŭleńni, ramontna-ekspłuatacyjnych rabot pa zabieśpiačeńni funkcyjanavańnia mielijaracyjnych sistem; raźviedka i raspracoŭka radoviščaŭ karysnych vykapniaŭ; uźviadzieńnie abjektaŭ budaŭnictva, za vyklučeńniem budaŭnictva inžyniernych i transpartnych kamunikacyj, stajanak miechaničnych transpartnych srodkaŭ, budynkaŭ i zbudavańniaŭ dla met viadzieńnia lasnoj haspadarki, damoŭ palaŭničych i rybałovaŭ, ekałoha-infarmacyjnych centraŭ, zbudavańniaŭ dla ŭładkavańnia i dobraŭparadkavańnia plažaŭ i miesc masavaha adpačynku kala vady, inšych zon i miesc adpačynku, turystyčnych stajanak, ekałahičnych ściežak. Akramia taho, na terytoryi zakaźnika zabaraniajecca raźmiaščać pałatačnyja haradki i inšyja abstalavanyja zony i miescy adpačynku, turystyčnyja stajanki, stajanki miechaničnych transpartnych srodkaŭ pa-za miescami, vyznačanymi miascovymi vykanaŭčymi i rasparadčymi orhanami i inš.

Zhodna z pastanovaj, vodna-bałotny zakaźnik «Žada» abjaŭleny biez adabrańnia ziamielnych učastkaŭ u ziemlekarystalnikaŭ. Pry hetym jany, a taksama inšyja jurydyčnyja i fizičnyja asoby, u tym liku indyvidualnyja pradprymalniki, abaviazany vykonvać režym achovy i vykarystańnia zakaźnika.

Pastanova ŭstupaje ŭ siłu paśla jaje aficyjnaha apublikavańnia.

• 0
• 0
• 0
• 0
• 0