Biełaruś na hrupavym etapie futbolnych jeŭrakubkaŭ, jak i letaś, budzie pradstaŭlać adrazu dźvie kamandy. Śledam za BATE jeŭrakubkavuju vosień zabiaśpiečyli sabie minskija «dynamaŭcy».
U ich byŭ supierciažki matč z čempijonam Aŭstryi zalcburhskim «Red Bułam». Pieršaja sustreča ŭ Breście pryniesła pieramohu biełarusam 2:0, adnak da matča ŭ adkaz padlačylisia niekatoryja lidary aŭstryjcaŭ.
Skažam prama, hulnia «Dynama» ŭ asnoŭny čas była davoli biezdapamožnaj. Časam mahło skłaścisia ŭražańnie, što hulajuć kamandy ŭzroŭniu «Barsiełony» i BATE, nastolki «Red Buł» vaziŭ našych chłopcaŭ.
Pieršy ŭdar u ramku minčuki nanieśli tolki naprykancy druhoha kampiensavanaha tajma. Da hetaha «Dynama» ŭ asnoŭnym dumała tolki pra abaronu.
Pieršuju praboinu kamanda Vuka Rašaviča atrymała ŭžo na 10-chvilinie. Adznačyŭsia vielmi žvavy japoniec Minamina. A ŭ druhim tajmie Saryjana zrabiŭ lik 2:0. Heta značyć hulnia pierachodziła ŭ dva dadatkovyja tajmy.
«Red Buł» moh zabić i bolej, ale ŭ składzie «Dynama» byŭ Alaksandr Hutar. Bramnik ratavaŭ usie 120 chvilin hulni. U kampiensavany čas, praŭda, i jon nie zmoh vyratavać kamandu, ale sudździa pamyłkova zapaliŭ afsajd. Mabyć, hety momant budzie pieraciracca aŭstryjcami. Cana čałaviečaj pamyłki.
U paślamatčavych pienalci ŭ nas adznačylisia Biečyraj, Biehunoŭ i Palicievič. Tolki Uładzimir Karyćka trapiŭ u štanhu. A voś pienalcistaŭ «Red Buła» trojčy pieraihraŭ Alaksandr Hutar. Sapraŭdny hieroj hulni.
«Dynama» prajhrała ŭ asnoŭny čas 0:2, ale pieramahło 3:2 pa pienalci. Kamanda vyjšła ŭ hrupavy etap Lihi Jeŭropy. Zaŭtra, u piatnicu, adbudziecca losavańnie. Chatnija matčy minčuki buduć pravodzić u Barysavie.
Kamientary