Patencyjny kandydat u prezidenty Ciareščanka «atruciŭsia ŭ kaviarni» ŭ centry Minska
![](http://nnexpictures.fra1.digitaloceanspaces.com/img/w732d4webp1/photos/z_2015_08/ciareszchank150828-pbwic.jpg.webp)
Patencyjny kandydat na pasadu prezidenta Viktar Ciareščanka trapiŭ u balnicu. Ranicaj 28 žniŭnia palityk i kiraŭnik jaho inicyjatyŭnaha štaba śniedali ŭ kaviarni na vulicy Karła Marksa ŭ Minsku. Raptam Ciareščanku stała kiepska.
«Paśla niekalkich hłytkoŭ soku ŭ Viktara Ivanaviča pačali śviarbieć vočy, a jašče praz 5 chvilin jon prosta źmianiŭsia z tvaru - apuch i źbialeŭ uvieś», — raspavioŭ kiraŭnik štaba Ciareščanki Aleh Nieściarkoŭ.
Palityku vyklikali «chutkuju». Pa słovach lekaraŭ, pryčyna zdareńnia ŭ «alerhičnaj reakcyi na niejki kampanient». Bolš kankretna niešta kazać jany admovilisia. Palityka advieźli ŭ 3-ju kliničnuju lakarniu dla zdačy analizaŭ.
Kamientary