Pra heta paviedamili jahonyja siabry z taktyčnaj hrupy «Biełaruś» DUK «Pravy siektar». Chłopiec z pazyŭnym «Taras» byŭ mocna paranieny 10 žniŭnia ŭ bajach pad Biełakamienkaj Danieckaj vobłaści.
«Taras» krajni sprava. U centry Vital «Kieks» Cilaženka, jaki zahinuŭ 10 žniŭnia.
Siabry kažuć, što jon ad zimy vajavaŭ va Ukrainie. «Heta byli najbolš ciažkija časy, kali nas pastajanna kryła rasijskaja artyleraja, — kaža paplečnik «Tarasa». — Jon braŭ udzieł u vyzvaleńni zabłakavanych u Danieckim aeraporcie bajcoŭ 80-j asobnaj aeramabilnaj bryhady».
Biełarus atrymaŭ ranieńnie z 82-milimietrovaha minamiota BM-37. Askiepki miny trapili ŭ hrudzi, nyrku i hałavu. Było zroblena niekalki apieracyj, ale vyratavać «Tarasa» nie ŭdałosia. Siońnia jon pamior.
Heta pieršy zafiksavany vypadak śmierci biełaruskaha bajca, što vajuje na baku Ukrainy ŭ Danieckaj i Łuhanskaj abłaściach. Viadoma, što zahinuli dva biełarusy, što vajavali na baku bajevikoŭ.
