Pravasłaŭnaje małako i hłazuravanyja syrki.
Śviata miesca na pryłaŭkach rasijskich kram, spuściełaje ŭ vyniku zabarony na impart praduktaŭ charčavańnia z šerahu krain, mohuć zapoŭnić pradukty, vyrablenyja ŭ manastyrskich haspadarkach Ruskaj pravasłaŭnaj carkvy (RPC). U Maskoŭskim Patryjarchacie (MP) ličać, što jany ŭžo hatovyja da hetaha, ciapier sprava za rytejlerami.
Manastyry MP RPC mohuć zaniacca impartazamiaščeńniem u charčovaj śfiery i zabiaśpiečyć handlovyja sietki krainy anałahami zamiežnych praduktaŭ, uvoz jakich na terytoryju krainy zabaronieny ŭ suviazi z embarha.
Jak miarkuje namieśnik staršyni Sinadalnaha adździeła pa ŭzajemadziejańni carkvy i hramadstva Raman Bahdasaraŭ, dla pačatku pracesu nieabchodna, kab «pryjšoŭ rytejler i skazaŭ, što choča, skazam, naładzić prodaž liniejki pravasłaŭnaj pradukcyi — ad małaka da hłazuravanych syrkoŭ».
Pa słovach pradstaŭnika MP, nasielniki manastyroŭ ŭžo stali vyroščvać bolš harodniny i zbožža, razvodzić rybu i zrabili bahaciejšym asartymient svaich syroŭ, u lik jakich uvajšli macareła, kačota, rykota. Častka haspadarak užo płanuje vyjści ŭ handlovyja sietki i pastaŭlać pradukcyju ŭ Maskvu, Sankt-Pieciarburh i inšyja harady.
«Manastyrskija haspadarki mohuć heta vyrablać», — adznačaje Bahdasaraŭ.
Akramia taho, pa słovach carkoŭnaha dziejača, havorka idzie nie tolki pra charčavańnie, manastyrskija haspadarki zmohuć pastaŭlać na rasijski rynak i inšyja tavary. «Heta mohuć być pravasłaŭnyja interjery, kab ludzi mieli mahčymaść kupić meblu, zroblenuju ŭ nas, bolš tannuju i adpaviednuju tradycyjam, a nie tolki italjanskuju abo niamieckuju», — kaža jon.
Kamientary