«Ja nie ŭdzielničała ŭ składańni śpisaŭ kandydataŭ. Va ŭsich była mahčymaść bałatavacca, sabrać svaju inicyjatyŭnuju hrupu i nieabchodnuju kolkaść podpisaŭ dla rehistracyi», — zajaviła zajaviła ŭ intervju BiełaPAN 28 žniŭnia aktyvistka kampanii «Havary praŭdu» Taćciana Karatkievič, jakaja pretenduje na pasadu kiraŭnika dziaržavy.
BiełaPAN
Takim čynam jana prakamientavała słovy byłoha palitźniavolenaha eks-kandydata na pasadu prezidenta 2010 hoda Mikałaja Statkieviča, jaki na pres-kanfierencyi 28 žniŭnia zajaviŭ, što sioletniuju vybarčuju kampaniju možna acanić «jak sfalsifikavanyja vybary». Pavodle słoŭ Statkieviča, falsifikacyi mieli miesca «nie ŭ biuleteniach i vynikovych pratakołach», a ŭ «śpisach kandydataŭ». Statkievič taksama zajaviŭ, što najlepšaja maralnaja pazicyja dla hramadzian u takoj situacyi — «poŭnaściu ihnaravać hetaje šou».
«My sabrali podpisy, zdali ich u kamisii, dastojna zaviaršyli padpisny etap, — zajaviła ŭ adkaz Karatkievič. — Ja chaču skazać vialiki dziakuj usim ludziam, jakija mianie padtrymlivajuć. My budziem padavać dakumienty na rehistracyju kandydatam u prezidenty i spadziajemsia jaje prajści».
Karatkievič padkreśliła, što strymaje svajo abiacańnie, dadzienaje ludziam, jakija jaje padtrymlivajuć, i budzie «ŭdzielničać u vybarach, pradstaŭlać alternatyvu i ideju mirnych pieramien, sfarmulavanuju kaalicyjaj «Narodny refierendum». «Kali ja budu zarehistravanaja, ja budu tym čałaviekam, jaki naŭprost zacikaŭleny ŭ tym, kab vybary prajšli spraviadliva i sumlenna. Jość kampanija «Prava vybaru», jakaja budzie aktyŭna nazirać za vybarami, i ŭ svaich acenkach vybaraŭ ja budu abapiracca na ich analityku», — skazała Karatkievič.
U kampaniju pa nazirańni za vybarami «Prava vybaru» ŭvachodziać pradstaŭniki vaśmi arhanizacyj: Biełaruskaj sacyjał-demakratyčnaj partyi (Hramada), arhkamiteta partyi «Biełaruskaja chryścijanskaja demakratyja», kampanii «Havary praŭdu», ruchu «Za Svabodu», Partyi BNF, Biełaruskaj partyi «Zialonyja», niezaležnaha prafsajuza REP, arhkamiteta Partyi svabody i prahresu.
Karatkievič taksama prakamientavała abvinavačańni ŭ adras kiraŭnika svajoj inicyjatyŭnaj hrupy Andreja Dźmitryjeva.
«Što da napadak na členaŭ majoj kamandy, ja maju na ŭvazie Andreja Dźmitryjeva. Chaču skazać, što ŭ 2010 hodzie tyja ludzi, jakija vystupili pa TB, zrabili heta nie pa svajoj inicyjatyvie, nie pa svajoj voli. I ŭsie heta razumiejuć. Paśla taho jak vyjšli Andrej Dźmitryjeŭ, Uładzimir Niaklajeŭ, u nas u kamandzie była razmova, jak ahulnaja, tak i pamiž dvuma lidarami. Byli pryniatyja ahulnyja tłumačeńni, ahulnyja prabačeńni i daravańni. I my pajšli dalej. Samaje hałoŭnaje, što my zachavali kamandu. Jak vy ŭvajšli ŭ 2010 hod, tak my i zachavali siońnia našu kamandu. Heta samy hałoŭny dokaz taho, što my idziem napierad».
Taksama Karatkievič prakamientavała vykazvańni, zroblenyja ŭ jaje adras staršynioj Centrvybarkama Lidzijaj Jarmošynaj.
«Asablivaściu hetaj prezidenckaj kampanii źjaŭlajecca toje, što staršynia CVK pavodzić siabie nie prosta jak čynoŭnik, jaki pavinien arhanizoŭvać vybarčy praces. Jana dazvalaje sabie być palitykam. Ja liču, što heta niedazvolna — staršyni CVK rabić zajavy, kamientavać, davać acenki. Z adnaho boku jana robić kamplimienty, a nazaŭtra jana hetyja kamplimienty zabiraje, havoračy niejkija hienderna niekarektnyja rečy ab tym, što žančyna naohuł nie moža być lidaram. Jana ŭnosić svaimi zaŭvahami błytaninu ŭ demakratyčnyja siły i pravakuje kanflikt».
Taćciana Karatkievič zajaviła,što jaje inicyjatyŭnaja hrupa «adkrytaja dla pravierki podpisaŭ»,
jakuju choča pravieści hramadskaja hrupa ŭ składzie pradstaŭnikoŭ ruchu «Za Svabodu», Partyi BNF, arhkamiteta pa stvareńni partyi «Biełaruskaja chryścijanskaja demakratyja» i kampanii «Naš dom».
«Dva pradstaŭniki hrupy prychodzili da nas u ofis. Jany viaduć pieramovy z našym štabam, jak mahčyma pravieści hetuju pravierku. Ja ŭpeŭnienaja, što ŭ nas hetyja podpisy jość. My adkrytyja dla pravierki, kali łaska, prychodźcie», — skazała Karatkievič. Pravierka «moža adbycca», bo ŭ jaje kamandy zastałasia «maksimalnaja kolkaść kopij podpisaŭ», dadała jana
