Ukrainski hramadzianin Vadzim Biezkaravajny zajaviŭ, što nie pryznaje siabie vinavatym u padrychtoŭcy napadu na ambasadu Rasii ŭ Łondanie.
U piatnicu Biezkaravajny, jaki znachodzicca ŭ źniavoleńni, paŭstaŭ pierad Centralnym kryminalnym sudom Łondana z dapamohaj videasuviazi. Sudździa zapytaŭ jaho ab zhodzie abo niazhodzie z pradjaŭlenym abvinavačvańniem.
Vadzim Biezkaravajny na anhlijskaj movie paćvierdziŭ svajo imia i zajaviŭ, što nie ličyć siabie vinavatym. Na ekranie jon źjaviŭsia ŭ adzieńni siniaha i žoŭtaha koleraŭ.
33-hadovaha žychara anhlijskaha horada Łutan abvinavačvajuć u padrychtoŭcy terarystyčnaha aktu zhodna z artykułam 5 brytanskaha zakona ab baraćbie z teraryzmam.
Pavodle viersii prakuratury, u pieryjad z 27 studzienia pa 15 sakavika 2014 hoda ukrainiec płanavaŭ napad na rasijskuju ambasadu ŭ Łondanie.
5 červienia ŭ kryminalnym sudzie ŭ Ołd-Bejli adbyłosia pieršaje pasiedžańnie pa hetaj spravie. Tady Biezkaravajny, jaki ŭdzielničaŭ pry dapamozie videasuviazi, taksama źjaviŭsia ŭ adzieńni koleraŭ ukrainskaha ściaha.
U ambasadzie Ukrainy ŭ Łondanie skazali, što Vadzim Biezkaravajny nie źviartaŭsia pa konsulskuju dapamohu.
Razhlad spravy pa sutnaści pavinien pačacca 2 listapada ŭ Centralnym kryminalnym sudzie Łondana. Čakajecca, što praces praciahniecca 3-4 tydni.
Kamientary