Akcent robicca na realizacyju niedarahich aŭtamabilaŭ koštam 5—10 tys. dalaraŭ.
Jak paviedamiŭ na pres‑kanfierencyi dyrektar kampanii «Aŭtabaj» Jaŭhien Łachmanaŭ, minski sałon staŭ pieršym u sietcy aŭtamabilnych sałonaŭ Biełarusi, jaki abjadnany pad brendam «4 koły» i zaklikany sfarmiravać u krainie prafiesijny padychod da pracy z patrymanymi aŭtamabilami.
Hałoŭnaj pieravahaj aŭtasałona jaho kiraŭniki nazyvajuć cyvilizavany padychod da realizacyi aŭtamabilaŭ z prabieham. Pierad prodažam kožny patrymany aŭtamabil prachodzić poŭnuju dyjahnostyku i padrychtoŭku. Taksama ŭ sałonie harantujuć, što aŭtamabil nie ŭkradzieny i nie adnoŭleny.
Jak zaznačyŭ dyrektar sałona «4 koły» Alaksandr Rabuška, u Biełarusi sfarmiravałasia ŭstojlivaja tradycyja kuplać usio na rynku — ad praduktaŭ da aŭtamabilaŭ. «Kaniešnie, heta ŭ mnohim było apraŭdana va ŭmovach pierachodnaha pieryjadu. Adnak ciapier, kali palapšajecca žyćciovy ŭzrovień i raście dabrabyt, pačynaje farmiravacca novaja kultura spažyvańnia, zasnavanaja na bolš vysokim uzroŭni pasłuh i servisu. Zadača našaha sałona pieradusim u tym, kab zakłaści asnovu novaj, bolš daskanałaj kultury aŭtaamatarstva, padniać jaje na jeŭrapiejski ŭzrovień», — padkreśliŭ A.Rabuška.
Pavodle słoŭ dyrektara aŭtasałona, kampanija sfarmiravała svaju prahrammu łajalnaści, jakaja ŭklučaje šerah ilhotaŭ dla pakupnikoŭ. U pryvatnaści, partniory aŭtasałona buduć davać klijentam skidki na techabsłuhoŭvańnie aŭtamabilaŭ, akazvać dapamohu ŭ darozie. Aŭtasałon prapanuje harantyi na realizavanyja mašyny na praciahu troch miesiacaŭ niezaležna ad prabiehu. Aprača taho, jon prapanuje śpiecyjalnuju kredytnuju prahramu, pa jakoj možna płacić pracenty tolki za karystańnie aŭtamabilem, asnoŭny ž doŭh — vypłacić praz try hady, pradaŭšy aŭtamabil, abo pieraaformić kredyt jašče na piać hadoŭ.
Ciapier u aŭtasałonie pradstaŭlena kala 100 patrymanych aŭtamabilaŭ. Akcent robicca na realizacyju niedarahich aŭtamabilaŭ koštam 5—10 tys. dołaraŭ. U toj ža čas buduć pradavacca i aŭtamabili premium‑siehmienta, u asnoŭnym u kredyt abo pa sistemie trade‑in (abmien svajho aŭtamabila na novy). Aŭtasałon prapanuje pakupnikam najbolš papularnyja na rynku madeli, a taksama budzie pastaŭlać mašyny dla klijentaŭ pad zakaz.
Kamientary