Udzielniki akcyi pratestu kidali pałki i butelki ŭ siłavikoŭ, bajavuju hranatu, u vyniku paciarpieli niekalki dziasiatkaŭ čałaviek.
![](http://nashaniva.com/img/w732d4webp1/photos/z_2015_08/k2_150831-m9jcn.jpg.webp)
U chodzie mitynhu pad budynkam Viarchoŭnaj Rady Ukrainy, u jakim biaruć udzieł niekalki socień čałaviek («svabodaŭcy», členy Radykalnaj partyi Aleha Laška i «UKROPy»), ahresiŭna nastrojenyja aktyvisty pačali šturm parłamienta.
Ahresiŭna nastrojenyja ŭdzielniki akcyi pratestu kidajuć pałki i butelki ŭ siłavikoŭ.
![](http://nashaniva.com/img/w732d4webp1/photos/z_2015_08/k3_150831-6v7ot.jpg.webp)
Achova zabłakavała vychady z budynka. Žurnalisty taksama nie mohuć pakinuć budynak Rady.
Prynamsi z adnaho z pravaachoŭnikaŭ pratestoŭcy źniali šlem i kinuli im pa siłavikach, što stajać pobač.
U asobnych aktyvistaŭ u rukach jość dubinki i draŭlanyja pałki, jakimi jany sprabujuć pabić pravaachoŭnikaŭ. Taksama ŭ niekalkich siłavikoŭ pratestoŭcy adabrali ščyty.
Mitynhoŭcy kidajuć dymavyja šaški i namahajucca prarvacca ŭ budynak, dadaje Ukrainskaja praŭda.
Mitynhoŭcyvyciahnuli z kalca ačapleńnia adnaho z pravaachoŭnikaŭ i źbili jaho. Paciarpieły, vierahodna, źjaŭlajecca supracoŭnikam Nacyjanalnaj hvardyi Ukrainy.
U svaju čarhu pravaachoŭniki ŭžo niekalki razoŭ vykarystoŭvali ślezaciečny haz.
15:28
Mitynhoŭcy pryniali rašeńnie razychodzicca, paviedamlaje rbc.ua.
U dadzieny momant aktyvisty źbirajuć ściahi, pačali raźbirać scenu kala budynka parłamienta.
Raniej Viarchoŭnaja Rada pryniała ŭ pieršym čytańni źmieny ŭ Kanstytucyju, što tyčać decentralizacyi.
![](http://nashaniva.com/img/w732d4webp1/photos/z_2015_08/k1_150831-wv1oi.jpg.webp)
Kamientary