Pradstaŭniki AAN apublikavali spadarožnikavyja fatahrafii, jakija śviedčać ab tym, što staražytny chram Beła ŭ siryjskaj Palmiry byŭ razburany bajevikami hrupoŭki «Isłamskaja dziaržava».
Raniej ź Siryi pastupali niepaćvierdžanyja paviedamleńni ab vybuchu chrama Beła.
Bajeviki hrupoŭki «Isłamskaja dziaržava» ŭstalavali kantrol nad Palmiraj, jakaja źjaŭlajecca pomnikam Suśvietnaj spadčyny JUNIESKA, u siaredzinie maja.
Kiraŭnik siryjskaha viedamstva pa achovie pomnikaŭ daŭniny Maamun Abdułkarym mierkavaŭ, što apornaja kanstrukcyja budynka, historyja jakoha naličvaje dźvie tysiačy hadoŭ, pry vybuchu mahła zastacca niepaškodžanaj.
Adnak, miarkujučy pa zdymkach z kosmasu, ad chrama Beła ŭ Palmiry nie acaleła praktyčna ničoha, kažuć ekśpierty AAN.
«My možam paćvierdzić fakt razbureńnia asnoŭnaha budynka chrama Beła i raźmieščanych u niepasrednaj blizkaści ad jaho kałon», — havorycca ŭ zajavie Vučebnaha i navukova-daśledčaha instytuta AAN (JUNITAR).
Nikomu ź vidavočcaŭ pakul nie ŭdałosia padyści blizka da ruin chrama, kab paćvierdzić maštaby razbureńniaŭ.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary