Śpiecyjalnaja ŭradavaja kamisija Novaj Ziełandyi apublikavała čatyry varyjanty novaha nacyjanalnaha ściaha, jakija buduć vyniesienyja na ahulnanacyjanalnaje abmierkavańnie.
U chodzie abmierkavańnia, jakoje projdzie z 20 listapada pa 11 śniežnia, žycharam Novaj Ziełandyi prapanujecca ŭ piśmovaj formie vystavić acenki kožnamu z čatyroch prapanavanych varyjantaŭ ściaha.
Varyjant, jaki nabraŭ najbolšuju kolkaść hałasoŭ, budzie ŭ pačatku 2016 vystaŭleny na refierendum, padčas jakoha žycharam krainy treba budzie zrabić vybary pamiž im i dziejučym ściaham.
U finalnuju čaćviorku pretendentaŭ uvajšoŭ varyjant ź biełaj halinkaj paparaci na čornym fonie, jaki raniej nazvaŭ svaim favarytam premjer-ministr Novaj Ziełandyi Džon Kiej.
Z adabranych kamisijaj čatyroch varyjantaŭ novaha ściaha try ŭklučajuć stylizavanuju vyjavu paparaci, a jašče adzin — tradycyjny ŭzor maary «koru».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary