Zajaŭki na najbujniejšy na Bałkanach šoŭkiejs-fest prymajucca da 14 vieraśnia.
Šoŭkiejs-fiestyval MENT Ljubljana, što projdzie ŭ stalicy Słavienii 3-5 lutaha 2016 hoda, adkryŭ pryjom zajavak ad biełaruskich muzykaŭ, što hrajuć rok, indzi i elektronnuju muzyku. U miežach festu adbuducca nie tolki kancerty, ale i pradstaŭničaja kanfierencyja.
Upieršyniu MENT Ljubljana prajšoŭ u 2015 hodzie, tady jaho naviedali niekalki tysiač hledačoŭ dy try sotni ekśpiertaŭ i muzykaŭ ŭ 27 krain. Tracina vystupoŭcaŭ atrymała zaprašeńni na dalejšyja kancerty ŭ Jeŭropie.
Arhanizatary kažuć, što bačyli biełaruskich artystaŭ u hetym hodzie na fiestyvali Tallinn Music Week i byli ŭražanyja ich uzroŭniem. «My budziem radyja dapamahčy źviarnuć na ich uvahu jeŭrapiejskich śpiecyjalistaŭ i fiestyvalaŭ», — kaža Maćjaž Manček, mieniedžar muzyčnaj prahramy MENT Ljubljana.
Zajaŭki prymajucca da 14 vieraśnia praz sajt gigmit.com. Śpis delehataŭ na fest dastupny tut. Hurtam pradstaviać žytło ŭ dzień mierapryjemstva, 250 jeŭra na prajezd na hurt, propusk dla adnoha čałavieka na kanfierencyju i dostup da bazy kantaktaŭ.
Biełaruski partnior festu Experty.by užo dapamahaŭ biełaruskim hurtam adznačycca na šoŭkiejsach Lost In Music (Finlandyja), Tallinn Music Week (Estonija), Vilnius Music Week (Litva) i Moscow Music Week (Rasija).
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary