Laszlo Balogh/Reuters
Adna z asnoŭnych čyhunačnych stancyj vienhierskaj stalicy začyniena ŭ suviazi z sotniami mihrantaŭ, jakija sprabujuć pahruzicca ŭ ciahniki, jakija iduć u Aŭstryju i Hiermaniju.
Ruch ciahnikoŭ z budapiešckaha vakzała Kieleci časova admienieny.
Mihranty, ad jakich vienhierskija ŭłady sprabujuć vyzvalić stancyju, niedvuchsensoŭna dajuć zrazumieć, kudy mienavita jany imknucca patrapić, skandujučy choram: «Hiermanija! Hiermanija!».
Niekatoryja padkreślivajuć, što zapłacili sotni jeŭra za kvitki i tamu buduć čakać, pakul im nie dazvolać sieści na ciahnik.
Pradstaŭnik urada zajaviŭ, što Vienhryja dziejničaje zhodna z praviłami, pa jakich tyja, chto šukaje palityčnaha prytułku, pavinny heta zrabić u pieršaj ža krainie ES.
U paniadziełak bolš za try z pałovaj tysiač mihrantaŭ, mnohija ź jakich — ź Siryi, vyjechali ź Vienhryi ŭ Vienu.
Kala 1400 čałaviek užo pryjechali ranicaj u aŭtorak z Aŭstryi ŭ niamiecki Miunchien.
Kolkaść mihrantaŭ, jakija z pačatku hoda prybyli ŭ Jeŭropu praź Mižziemnaje mora, pieravysiła 350 tys. čałaviek.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary