Na Tuzin.fm internet-premjera alboma «25 AB-BA Arkiestr», u jaki ŭvajšli chity apošnich 25 hadoŭ u vykanańni Lavona Volskaha, Ihara Varaškieviča, Alaksandra Pamidorava, Jurki Asieńnika dy Chrystafora Siaskieviča ŭ supravadžeńni dziciačaha choru z Padlašša.
Biełastockaje abjadnańnie «AB-BA» isnuje 10 hadoŭ dy maje na mecie dapamohu dzieciam i moładzi, jakija vyvučajuć biełaruskuju movu, a taksama padtrymku baćkoŭ i nastaŭnikaŭ. Mienavita siabry «AB-BA» sabrali letaś razam 25 vučniaŭ biełastockaj pačatkovaj škoły №4, muzykaŭ pad kiraŭnictvam Paŭła Aziabły dy biełaruskich śpievakoŭ, kab u takoj maniery pavinšavać festyval muzyki maładoj Biełarusi «Basovišča» z 25-hodździem.
«Mnohija z nas byli arhanizatarami ŭ pieršyja hady isnavańnia fiestyvalu. Ciapier «Basovišča» robić pakaleńnie našych dziaciej, siarod jakich i našyja ŭłasnyja, — kaža kaardynatar prajektu Basia Piakarskaja, —Tamu my paličyli vielmi patrebnym takim čynam abjadnać pakaleńni».
U albom «25 AB-BA ARKIESTR» uvajšli chity apošnich 25 hadoŭ u vykanańni Lavona Volskaha, Ihara Varaškieviča, Alaksandra Pamidorava i lidaraŭ kultavych biełaruskamoŭnych kamandaŭ z Padlašša Jurki Asieńnika (ZERO-85) dy Chrystafora Siaskieviča (Kardon) u supravadžeńni dziciačaha choru. Zaprašeńni da supracoŭnictva atrymali taksama Słava Korań, Siarhiej Michałok, Alaksandr Kullinkovič, Kasia Kamockaja dy inšyja, adnak jany z roznych pryčynaŭ nie zmahli paŭdzielničać.
Kamientary