Ab hetym zajaviŭ Alaksandr Łukašenka napiaredadni rabočaha vizitu ŭ KNR u ekskluziŭnym intervju kitajskaj haziecie «Žeńmiń žybaa». Intervju apublikavana ŭ siońniašnim vypusku haziety.
«Druhaja suśvietnaja vajna — adna z centralnych padziej XX stahodździa, jakaja vyznačyła chod historyi va ŭsim śviecie na mnohija dziesiacihodździ napierad, — padkreśliŭ kiraŭnik dziaržavy. — Kali asnoŭnuju nošu ŭ vajnie suprać Hiermanii vynies saviecki narod, to asnoŭny ciažar vajny ź Japonijaj, viadoma ž, loh na plečy kitajskaha naroda. Ja ni ŭ jakim razie nie chaču prynižać rolu našych sajuźnikaŭ: biezumoŭna, jany taksama ŭnieśli značny ŭkład u našu ahulnuju pieramohu - i ŭ Jeŭropie, i ŭ Azii. Ale ź ličbami ŭsio ž nie paspračaješsia: zhodna z apošnimi daśledavańniami, savieckija straty za hady vajny skłali kala 27 młn čałaviek, kitajskija - 35 młn čałaviek. Nijakija inšyja krainy nie panieśli takich vialikich achviar. Biełaruś, jakaja była častkaj SSSR, paciarpieła, badaj, bolš za inšych - my stracili amal treć svajho nasielnictva.
Alaksandr Łukašenka skazaŭ, što ŭ Biełarusi z chvalavańniem staviacca da pamiatnych mierapryjemstvaŭ. U minułym hodzie kraina adśviatkavała 70-hodździe vyzvaleńnia Biełarusi ad fašysckich zachopnikaŭ, sioleta - 70-hodździe Pieramohi ŭ Vialikaj Ajčynnaj vajnie. Hetyja padziei stali sapraŭdnym śviatam adzinstva i źjadnańnia našaha naroda.
Kamientary