Prezident Hvatemały Ota Pieres Malina padaŭ u adstaŭku, paśla taho jak sud vydaŭ ordar na jaho aryšt.
Ordar byŭ vydadzieny ŭ suviazi z padazreńniami ŭ datyčnaści prezidenta da karupcyjnaj schiemy, jakaja naniesła biudžetu škodu ŭ niekalki miljonaŭ dalaraŭ.
Na padstavie ordara prezident abaviazany źjavicca ŭ prakuraturu dla dačy pakazańniaŭ. Paśla hetaha budzie vyrašana, ci budzie jon na čas śledstva zaklučany pad vartu abo zastaniecca na voli. Pry hetym Pieresu Malinie ŭžo zabaranili vyjazdžać z krainy.
Pa viersii śledstva, Pieres Malina i inšyja vysokapastaŭlenyja dziaržsłužačyja atrymlivali adsotak ad chabaraŭ, jakija biźniesmieny płacili mytni za vyzvaleńnie ad vypłaty pošlin na ŭvozimyja tavary.
U svaju čarhu abarona prezidenta abviarhaje ŭsie abvinavačvańni ŭ jaho adras. Pradstaŭnik Pieresa Maliny adznačyŭ, što toj nie maje namieru chavacca ad pravasudździa i voźmie ŭdzieł u sudovym pracesie.
Čarhovyja prezidenckija vybary zapłanavany na studzień nastupnaha hoda, u ich Pieres Malina ŭdzielničać nie budzie.
Kamientary