Naziemnaja bajavaja technika vojsk ZŠA ŭ Eŭropie ŭžo bolš za 10 hod mieła tolki śvietła-žoŭty (pustynny) kamuflaž, bo amerykancy rychtavali i vykarystoŭvali jaje amal vyklučna dla papaŭnieńnia parka złučeńniaŭ, jakija zmahajucca suprać isłamistaŭ na Bližnim Uschodzie i ŭ Aŭhanistanie.
Była.
Stała.
Ciapier ža koler tankaŭ i bajavych mašyn piachoty stali mianiać, piša aficyjnaja vajskovaja hazieta Stars and Stripes.
Chutka ŭsia bajavaja technika ZŠA ŭ Starym Śviecie atrymaje kłasičny «lasny zialony» kamuflaž, demanstrujučy takim čynam źmienu ŭ stratehičnaj nakiravanaści hrupoŭki. Viartańnie da koleraŭ Chałodnaj vajny «supadaje» z zaniepakojenaściu uschodnich udzielnikaŭ NATA interviencyjaj Rasii suprać Ukrainy, dypłamatyčna piša vydańnie.
«Vidać, heta nadoŭha», — adznačyŭ kamandujučy naziemnymi siłami ZŠA ŭ Eŭropie hienierał-lejtenant Biendžamin Chodžes, pahladajučy, jak piša vydańnie, na tolki što pafarbavanyja BMP Bradley.
