Uładzimir Pucin nazvaŭ zamiaščeńnie zamiežnikami pasad va ŭkrainskaj uładzie abrazaj dla naroda, pra heta jon zajaviŭ va Uładzivastoku, dzie prachodzić Uschodni ekanamičny forum.
«Jak ja ŭžo kazaŭ, Ukrainu pastavili pad źniešniaje kiravańnie. Usie klučavyja pasady va ŭradzie, a ciapier jašče i ŭ klučavych rehijonach zajmajuć zamiežniki — ja liču, što heta abraza ŭkrainskaha naroda», — skazaŭ kiraŭnik dziaržavy žurnalistam.
«Što, va Ukrainie ŭžo niama prystojnych, sumlennych ludziej i piśmiennych kiraŭnikoŭ? Viadoma, jość», — padkreśliŭ jon.
Adkazvajučy na pytańnie, jak, na jaho dumku, budzie dalej raźvivacca kryzis va Ukrainie, Pucin skazaŭ, što heta zaležyć ad samoj Ukrainy.
Kamientujučy prablemy z papraŭkami va ŭkrainskuju Kanstytucyju, Pucin zaŭvažyŭ, što źmieny vykarystoŭvajucca jak padstava dla abvastreńnia baraćby za ŭładu. Pavodle jaho słoŭ, budučynia zaležyć ad taho, «jak doŭha ŭkrainski narod budzie ciarpieć hetuju vakchanaliju».
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary