Kazka-razmaloŭka Stasi Narkievič – užo ŭ kniharniach!
Dziaviatym vypuskam sieryi «Kalarovy rovar» Biblijateki Sajuza biełaruskich piśmieńnikaŭ stała knižka-razmaloŭka Stasi Narkievič «Jak Vasilok vyratavaŭ karaleŭstva», jakaja vyjšła ŭ vydaviectvie «Knihazbor».
Junaka Vasila nohi sami niasuć u prakavietny les, adnak zajści tudy nie atrymlivajecca. Ptuški paviedamlajuć Vasilu, što les atočany ravami, pastkami i zaklaćciami: tut znachodzicca zamak, dzie čaradziei ścierahuć pryncesu Dabraletku. Junak vyrašaje vyzvalić pryncesu…
Što adbyłosia dalej, vy daviedajeciesia, kali prydbajecie sabie novuju knižku Stasi Narkievič, jakaja ŭznačalvaje Viciebskaje abłasnoje adździaleńnie HA «Sajuz biełaruskich piśmieńnikaŭ». A kab čytać jaje było jašče cikaviej, ledź nie kožnym razvarocie knižki možna razmalavać hrafičnyja raboty mastački Aleny Siańko.
Z tvorčaściu Stasi Narkievič (Anastasii Łaziebnaj) čytačy znajomilisia i znajomiacca praz abłasnyja i respublikanskija srodki masavaj infarmacyi. Niekatoryja apaviadańni ŭvajšli ŭ kalektyŭny zbornik «Dźvina». U 2008 hodzie vyjšaŭ asabisty zbornik apaviadańniaŭ «Nastalhija» (vydaviectva «Čatyry čverci»).
Akramia apaviadańniaŭ Stasia Narkievič piša vieršy, humareski, kazki. U 2012 hodzie pabačyła śviet jaje kazka «Nievierahodnyja zdareńni na nievierahodnaj płaniecie» ŭ zborniku aŭtarskich kazak «Załaty taler» (vydaviectva «Mastackaja litaratura»), u 2013 hodzie knižka kazka-razmaloŭka «Vijaleta, babulečka i čaroŭny drocik» (vydaviectva «Čatyry čverci»). U hetym ža hodzie vyjšła kniha vieršaŭ «Ty zrazumiej mianie takuju…», azdoblenaja hrafičnymi rabotami aŭtara (Viciebskaja abłasnaja drukarnia).
Knihu Stasi Narkievič «Jak Vasilok vyratavaŭ karaleŭstva» možna nabyć u kniharniach Minska ŭ adździełach dziciačaj biełaruskaj litaratury.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary