Śledčym kamitetam raspačata kryminalnaja sprava pa č. 2 art. 243 Kryminalnaha kodeksa Respubliki Biełaruś u dačynieńni da słužbovych asob sumiesnaha ZAT, jakoje ažyćciaŭlaje dziejnaść u śfiery pastaŭki i realizacyi ŭ Respubliki Biełaruś srodkaŭ abarony raślin, pa fakcie ŭchileńnia ad vypłaty padatkaŭ u pieryjad z 2013 pa 2014 hod.
Padstavaj dla zaviadzieńnia kryminalnaj spravy pasłužyli materyjały pravierki, praviedzienaj Hałoŭnym upraŭleńniem pa baraćbie z arhanizavanaj złačynnaściu i karupcyjaj MUS Respubliki Biełaruś.
Ustanoŭlena, što dyrektar zakrytaha akcyjaniernaha tavarystva, sumiesna z žycharom Minskaha rajona, 1969 hoda naradžeńnia, i žycharkaj h. Minska, 1986 hoda naradžeńnia, šlacham naŭmysnaha ŭtojvańnia praduhledžanych damovami premijalnych vypłat vytvorcaŭ i zanižeńnia padatkovaj bazy dla vyličeńnia padatku na prybytak pa finansava-haspadarčych uzajemaadnosinach ź firmami Vialikabrytanii i Hiermanii na sumu zvyš 64 miljardaŭ rubloŭ, uchiliŭsia ad vypłaty padatkaŭ, pryčyniŭšy dziaržavie škodu ŭ asabliva bujnym pamiery na sumu zvyš 11 miljardaŭ rubloŭ.
U chodzie rasśledavańnia kryminalnaj spravy na majomaść padazravanych i pradpryjemstvy nakładzieny aryšt na sumu zvyš 330 miljardaŭ rubloŭ.
U ciapierašni čas z słužbovymi asobami pravodziacca nieadkładnyja śledčyja dziejańni. Padazravanyja zatrymanyja i źmieščanyja ŭ izalatar časovaha ŭtrymańnia.
Rasśledavańnie kryminalnaj spravy praciahvajecca.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary