Pa 3 tysiačy rasijskich rubloŭ (kala 45 dalaraŭ) zapłaciać dva žychary Tomskaj vobłaści za raźmiaščeńnie ŭ internecie «ekstremisckich materyjałaŭ», u tym liku antyfašysckaha multfilma studyi Uołta Dysneja pra Donalda Daka.
Jany pakaranyja za raźmiaščeńnie ŭ internecie znakamitaha multyplikacyjnaha filma studyi Der Fuehrer's Face («Tvar fiurera») ź sieryi pra Donalda Daka.
Film uklučany ŭ rasijski Fiederalny śpis ekstremisckich materyjałaŭ u 2013 hodzie pad punktam 2030, dzie jon fihuruje pad nazvaj «Donald Dak i fašyzm (zabaronienaja sieryja)». Hety multfilm byŭ źniaty ŭ 1942 hodzie ŭ ramkach antyhitleraŭskaj prapahandysckaj kampanii, jakaja viałasia ŭ ZŠA padčas Druhoj suśvietnaj vajny. U 1943 režysior Džek Kińni atrymaŭ za hetuju pracu premiju «Oskar», a ŭ śpisie 50 najvialikšych multfilmaŭ, składzienym historykam animacyi Džery Biekam, «Tvar Hitlera» zajmaje 22-je miesca.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary