Jak raspavioŭ načalnik słužby Hidramieta Minpryrody Dźmitryj Rabaŭ, paśla pa-letniamu ciopłych dzion na Biełaruś abrynułasia vosień.
U subotu, 5 vieraśnia, umovy nadvorja na terytoryi Biełarusi nočču budzie vyznačać atmaśfierny front, dniom adabjecca ŭpłyŭ vilhotnaj niaŭstojlivaj pavietranaj masy, jakaja pastupaje z Zachodniaj Jeŭropy. Nočču ŭ bolšaści rajonaŭ, dniom miescami karotkačasovyja daždžy, u asobnych rajonach navalnicy. Nočču i ranicaj miescami słaby tuman. Tempieratura pavietra ŭnačy 8—14°S, maksimalnaja dniom 17—23°S.
Pa Minsku budzie vobłačna z prajaśnieńniami. Nočču karotkačasovy doždž, mahčyma navalnica, dniom bieź istotnych apadkaŭ. Tempieratura pavietra ŭnačy 9 — +11°S, dniom 19 + 21°S.
6 vieraśnia nadvorje budzie farmavać aktyŭny atmaśfierny front, jaki pryniasie dalejšaje panižeńnie tempieratury pavietra.
Časam daždžy, miescami mocnyja, navalnicy. Dniom u asobnych rajonach čakajecca ŭzmacnieńnie vietru paryvami da 15-18 m/s. Tempieratura pavietra ŭnačy +8—15°S, dniom 13—20°S.
U Minsku taksama buduć iści daždžy. Tempieratura pavietra ŭnačy 9 + 11°S, maksimalnaja dniom 13 + 15°S.
U pačatku nastupnaha tydnia ŭ krainie tryvała pasielicca vosień:
nadvorje ŭ krainie budzie vyznačać skandynaŭski cykłon i niaŭstojlivyja chaładnavatyja pavietranyja masy, jakija pastupajuć z Bałtyjskaha mora.
Daždžlivaje i vietranaje nadvorje zachavajecca.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža29
Kamientary