Paźniej udzielnik prezidenckaj kampanii abvierh publikacyju jak fejk.
U fejsbuku źjaviłasia staronka ad imia ŭdzielnika prezidenckaj kampanii. Na joj, siarod inšaha, apublikavanyja prapanovy «pa adradžeńni biełaruskaj movy».
«Realii takija, što ciapier na biełaruskaj movie razmaŭlaje mienš za 1% nasielnictva Biełarusi, — havorycca na staroncy. — Možna vyłučyć peŭnaje sasłoŭje hramadzian, jakoje vykarystoŭvaje dadzienyja abstaviny jak instrumient u svajoj palityčnaj baraćbie suprać isnujučaj dziaržaŭnaj sistemy. Dadzienaja katehoryja hramadzian, jakaja raniej za svaje dziejańni pa zakonie nazyvałasia vorahami naroda, ciapier čamuści nazyvajecca apazicyjaj abo «śviadomymi».
Na dumku aŭtara, u zaniapadzie biełaruskaj movy vinavaty nie Alaksandr Łukašenka, a apazicyja. «Nie sakret, što bolšaja častka apazicyi, zakłapočanaja zaniapadam biełaruskaj movy, źjaŭlajucca hramadzianami z tak zvanaj «kartaj palaka», što taksama nie vypadkova. Za ich dziejańniami adhadvajecca žadańnie pieravieści biełaruskuju movu z rodnaj kirylicy na zachodniuju (polskuju) łacinku».
Aŭtar prapanuje svoj šlach adradžeńnia movy: «Adnaŭleńnie spradviečnych linhvistyčnych kodaŭ i pieršarodnaha vyhladu ad Francyska Skaryny, da zbrodlivaha sajuza z Polščaj pad nazvaj Reč Paspalitaja».
Što da Rečy Paspalitaj, to tam, piša aŭtar, «po suti, była proviediena postjepiennaja połonizacija, kotoraja odnako, zakončiłaś vosstanijem našieho nacionalnoho hieroja Kastusia Kalinovskoho protiv panstva i polskoj intierviencii».
«Treba budzie pierakłaści ŭsiu litaraturu z sučasnaj biełaruskaj movy (zaśmiečanaj roznaha rodu trasiankaj) na spradviečnuju biełaruskuju movu ad Francyska Skaryny», — padsumoŭvaje aŭtar.
Paźniej udzielnik prezidenckaj kampanii abvierh publikacyju jak fejk.
Mikałaj Ułachovič u kamientary TUT.BY nazvaŭ «brudnaj i niadobraj spravaj» i «palityčnaj pravakacyjaj», staronku, jakaja źjaviłasia ŭ fejsbuku i na jakoj publikavalisia zajavy niby ad jaho imia.
Varta adznačyć, što «Naša Niva» prasiła Mikałaja Ułachoviča prakamientavać fakt źjaŭleńnia staronki ŭ Fejsbuku, jak tolki pra jaje stała viadoma. Pieršy raz jon padniaŭ słuchaŭku i admoviŭsia havaryć, spasłaŭšysia na toje, što jon na naradzie. Paśla ž jon čatyry razy nie adkazaŭ na telefanavańni.
Kamientary