Biełaruskaja asacyjacyja himnastyki (BAH) na pasiadžeńni techničnaha kamiteta pa spartyŭnaj himnastycy pryniała rašeńnie razhledzieć mahčymaść zaprašeńnia zamiežnych spartsmienak dla vystupu ŭ składzie žanočaj zbornaj Biełarusi, paviedamili ŭ pres-słužbie asacyjacyi.
Pavodle prapanovy alimpijskaj čempijonki, staršyni žanočaha techničnaha kamiteta Mižnarodnaj fiederacyi himnastyki Neli Kim, kandydatkami na hetyja pazicyi stali amierykanskija himnastki, jakija nie vystupajuć za ZŠA praz vysokuju kankurencyju u nacyjanalnaj zbornaj. Ciapier heta pytańnie znachodzicca na ŭzhadnieńni ŭ kiraŭnictva spartyŭnaj haliny Biełarusi.
«Pryniaćcie takich kardynalnych mier, jak zaprašeńnie zamiežnych śpiecyjalistaŭ i spartsmienaŭ, ni ŭ jakim razie nie pavinna stać «šokavaj terapijaj» dla biełaruskaha boku. Adna z asnoŭnych zadač pa aptymizacyi ajčynnaj žanočaj spartyŭnaj himnastyki — heta dać mahčymaść svaim ludziam raskryć svoj patencyjał. Kali chtości hatovy ŭziać na siabie adkaznaść i zabiaśpiečyć vynik, niachaj heta budzie trenier abo spartsmien, asacyjacyja daść hetuju mahčymaść. Ale na biezvynikovyja ekśpierymienty ŭžo niama ni času, ni srodkaŭ», — adznačyła staršynia asacyjacyi Alena Skrypiel.
Žanočaja zbornaja Biełarusi nie patrapiła ŭ lik 24 najmacniejšych zbornych płaniety na suśvietny čempijanat. Pavodle rašeńnia trenierskaha štaba nacyjanalnaj kamandy, ciapier dźvie himnastki vypraviacca ŭ Hłazha dla baraćby za alimpijskija pucioŭki u Rya ŭ asabistych spabornictvach.
Na pasiadžeńni BAH taksama abmierkavali pytańnie ab zaprašeńni dla pracy z nacyjanalnaj žanočaj kamandaj adnaho ź viadučych suśvietnych śpiecyjalistaŭ — ŭkrainca Aleha Astapienki.
Čempijanat śvietu pa spartyŭnaj himnastycy ŭ Hłazha projdzie z 23 kastryčnika pa 1 listapada 2015 hoda.
Kamientary