Aktyvistka apazicyjnaj tadžykskaj arhanizacyi «Hrupa 24» Šabnam Chudajdodava była zatrymana jašče 13 červienia na čyhunačnaj stancyi Brest-Centralny.
Było ŭstanoŭlena, što pa inicyjatyvie Tadžykistana Chudajdodava znachodzicca ŭ miždziaržaŭnym vyšuku, jana była pieradadziena dla dalejšaha razhladu supracoŭnikam Bresckaha adździeła ŭnutranych spraŭ na transparcie UUS Bresckaha abłvykankama.
Jak raspajoŭ BiełaPAN pravaabaronca Raman Kiślak, paśla zatrymańnia Chudojdodova źviarnułasia z chadajnictvam da biełaruskich uładaŭ ab pradastaŭleńni joj prytułku. Da vyrašeńnia pytańnia ab jaje statusie pracedura vydačy ŭ Tadžykistan prypynienaja.
Pravaabaronca źviarnuŭ uvahu na toje, što, pa infarmacyi pamiežnikaŭ, žančynu zatrymali, bo jana znachodzicca ŭ miždziaržaŭnym vyšuku za ekstremisckuju dziejnaść na terytoryi svajoj krainy.
«Toje, što Chudajdodava na terytoryi Tadžykistana nie zajmałasia ekstremisckaj dziejnaściu, lohka pravieryć. Jana dałučyłasia da «Hrupy-24», znachodziačysia ŭžo na terytoryi Rasijskaj Fiederacyi, dzie pražyvała ŭ apošnija hady. Z taho momantu jana ni razu nie była ŭ Tadžykistanie. Usie, što jana rabiła, — heta krytykavała tadžykskija ŭłady za palityku, jakuju jany pravodziać», — padkreśliŭ Kiślak.
Jon adznačyŭ, što ŭ kastryčniku 2014 ułady Tadžykistana abviaścili arhanizacyju «Hrupa-24» ekstremisckaj. Z tych časoŭ šerah aktyvistaŭ hetaj hrupy byli zatrymanyja, vykradzienyja abo zabityja.
«Chudajdodava źjechała z Rasii, tamu što bajałasia za svajo žyćcio», — adznačyŭ Kiślak.
Kamientary