Ministerstva ekanamičnaha raźvićcia pierahledzić siaredniehadavy kurs rubla na 2015 i 2016 hoda ŭ bok jaho bolšaha pasłableńnia, paviedamlaje ŭ aŭtorak «Interfaks», spasyłajučysia na słovy kiraŭnika viedamstva Alaksieja Ulukajeva.
«Ciapier u novym prahnozie rubiel budzie krychu słabiejšy, čym 61 rubiel za dalar i na 2015, i na 2016 hod», — skazaŭ ministr, kamientujučy novy prahnoz Minekanamraźvićcia.
Pa słovach Ulukajeva, u 2016 hodzie čakajecca pasłableńnie rubla ŭ paraŭnańni ź biahučym kursam z-za taho, što ŭ nastupnym hodzie cana na naftu prahnazujecca na adznacy ŭ 50 dalaraŭ za baral.
Taksama ministr nazvaŭ ciapierašni kurs rubla «zbałansavanym» z-za naftavaj kanjunktury. «Naŭrad ci možna čakać inšaha kursa pry takoj nafcie», — patłumačyŭ jon.
Nafta ŭ 2016 hodzie, vykazaŭ zdahadku kiraŭnik ministerstva, budzie kaštavać u rajonie 50 dalaraŭ za baral. Trend budzie na niaznačny rost kacirovak.
Kamientary