25 vieraśnia — prezientacyja knihi historyka Ihara Mielnikava «Miaža la Zasłaŭja 1921-1941 hh.»
Biznes-kłub «IMAGURU» (Minsk, vuł. Fabrycyusa, 4 (druhi pavierch). 19.00.
Vydańnie pryśviečana analizu historyi saviecka-polskaha pamiežža ŭ mižvajenny pieryjad.
Akramia hetaha ŭ knihie vialikaja ŭvaha nadajecca historyi Zachodniaj Biełarusi, pracesu stvareńnia savieckich abarončych umacavańniaŭ na miažy z Polščaj pad Minskam, padziejam uźjadnańnia zachodniebiełaruskaha rehijonu z BSSR u vieraśni 1939 hoda, a taksama hieraičnaj abaronie Zasłaŭja ŭ červieni 1941 hoda.
«Historyja byłoj saviecka-polskaj miažy, jakaja na praciahu dvaccaci hadoŭ padzialała Biełaruś, na žal, mała vyvučałasia ŭ ajčynnaj histaryjahrafii. Miž tym hety histaryčny siužet zasłuhoŭvaje vialikaj uvahi z boku sučasnych biełarusaŭ. Miaža pamiž Druhoj Rečču Paspalitaj i BSSR była, pa svajoj sutnaści, miažoj pamiž cyvilizacyjami. Biełarusy na Uschodzie i Zachadzie krainy žyli pa roznych zakonach, praviłach tradycyjach i zvyčajach. Miaža ŭpłyvała na žyćcio tysiač našych suajčyńnikaŭ pa toj i hety jaje bok», - adznačaje aŭtar knihi.
Aŭtar pryśviaciŭ knihu svaim dziadam, udzielnikam Druhoj suśvietnaj vajny
Kniha ŭtrymlivaje bolš za 100 unikalnych archiŭnych zdymkaŭ, kala 50 kalarovych ilustracyj i niekalki malunkaŭ, zroblenych śpiecyjalna dla vydańnia.
U miežvajennaje dvaccacihodździe Zasłaŭje pa sutnaści vykonvała tuju ž funkcyju, što Brest siońnia. U horadzie Iziasłava raźmiaščałasia infrastruktura 15-ha atrada pamiežnych vojskaŭ NKVD BSSR. Žychary nasielenych punktaŭ, jakija znachodzilisia pobač, jak mahli karystalisia z žyćcia na «miažy cyvilizacyj». Z pačatku 1930-ch la miastečka pačynaje budavacca Minski ŭmacavany rajon Čyrvonaj Armii.
Darečy, asobny raździeł knihi pryśviečany historyi adnaho z bataljonnych rajonaŭ MiURa. Padziei uźjadnańnia Zachodniaj Biełarusi i BSSR u vieraśni 1939 hoda taksama nakłali svoj adbitak na zasłaŭskaje pamiežža. Pra heta, a taksama pra mužnuju abaronu staražytnaha horada ŭ červieni 1941 hoda, u jakoj, akramia čyrvonaarmiejcaŭ prymali ŭdzieł i savieckija pamiežniki raskazvajecca ŭ novaj pracy Ihara Mielnikava.
Asobny raździeł knihi pryśviečany analizu «biełych plam» u historyi Druhoj suśvietnaj vajny. Narešcie, apošni raździeł znajomić čytačoŭ z małaviadomymi staronkami minuŭščyny Biełarusi i cikavymi faktami z žyćcia ludziej, jakija załatymi litarami ŭpisali svoj los u histaryčny letapis našaj krainy. Kniha napisana na padstavie šmatlikich dakumientaŭ z archivaŭ Biełarusi, Polščy, Rasii i inšych krain, uspaminaŭ śviedkaŭ epochi i materyjałaŭ z asabistaj kalekcyi aŭtara.
Prezientacyja knihi kandydata histaryčnych navuk Ihara Mielnikava «Miaža la Zasłaŭja 1921-1941 hh.» adbudziecca 25 vieraśnia 2015 hoda u 19.00 u Biznes-kłubie «IMAGURU» (Minsk, vuł. Fabrycyŭsa, 4 (druhi pavierch). Na prezientacyi ŭsie achvotnyja zmohuć paznajomicca z aŭtaram, zadać jamu lubyja pytańni pa historyi Zachodniaj Biełarusi, ubačyć unikalnyja fatazdymki i dakumienty z archiva aŭtara i nabyć knihu z aŭtarskim aŭtohrafam.
Kamientary