Žycharka Mahilova pakusała supracoŭnika DAI i sarvała pahon ź jaho formy. Pry hetym jana niecenzurna łajałasia. Incydent zdaryŭsia ŭ niadzielu ŭdzień na skryžavańni zavułka Pažarnaha z vulicaj Pieršamajskaj.
Maładaja 30-hadovaja žančyna pierachodziła darohu na čyrvonaje śviatło prosta pierad mašynaj DAI. Kali inśpiektar zrabiŭ joj zaŭvahu, dama pakazała jamu nieprystojny žest i niecenzurna abłajała pravaachoŭnika. Inśpiektar DAI vyjšaŭ z mašyny i pasprabavaŭ rastłumačyć žančynie, što jana parušaje praviły darožnaha ruchu i hramadski paradak. Ale žančyna pačała razmachvać rukami i chapać inśpiektara za vopratku, urešcie jana ŭkusiła jaho za ruku.
Parušalnicu zatrymali i dastavili ŭ narkałahičny dyspansier. Ad pravierki na ałkaholnaje apjanieńnie chulihanka admoviłasia. Tady jaje dastavili ŭ milicyju, dzie skłali pratakoły za parušeńnie praviłaŭ pierachodu darohi i za drobnaje chulihanstva. Da taho ž joj pahražaje kryminalnaja adkaznaść za supraciŭ rabotnikam pravaachoŭnych orhanaŭ
