Frahmient pakunku. Fota: Discreet
Z 1 vieraśnia ŭ Biełarusi zabaronienyja ŭkrainskija žanočyja hihijeničnyja prakładki i survetki roznych marak. Pra heta paviedamlaje pres-słužba Ministerstva handlu.
Zabarona raspaŭsiudžvajecca na žanočyja hihijeničnyja prakładki na kožny dzień Discreet DEO Waterlily plus, Discreet Deo Viasnovy bryz, Discreet Air Multiform, Discreet Deo Water Lily Multiform, a taksama Naturella Ultra Normal, Naturella Camomile Normal, Naturella calendula vytvorčaści kampanii «Prokter end Hiembł» (Ukraina).
Vyjaŭlena, što prakładki nie adpaviadajuć hihijeničnym patrabavańniam pa vadarodnym pakaźniku (pH).
Akramia inšaha, z 1 vieraśnia ŭ krainu nielha ŭvozić i pradavać srodak dla ŭnitazaŭ «Tualetnyj utionok 5 v 1» vytvorčaści kampanii «SK Džonsan» (Ukraina).
Zabarona zakranuła i papiarovyja survetki «Ruta» vytvorčaści PAO «VHP» (Ukraina), «Silken» vytvorčaści OOO «DARPAK» (Ukraina). U ich parušanyja orhanaleptyčnyja pakaźniki (afarboŭvańnie vodnaj vyciažki).
Nahadajem, što z 9 maja hetaha hoda hihijeničnyja prakładki Discreet vytvorčaści «Proktier end Hiembł» (Ukraina) zabaranili na terytoryi Rasii. Tady Biełaruś źbirałasia nie dapuścić ich reekspart i ŭzmacnić kantrol i nahlad za abarotam ukrainskich prakładak i tamponaŭ ŭ Biełarusi.
