Lidar «Pravaha siektara» Dźmitryj Jaraš zaklikaŭ ludziej być hatovymi da akcyj hramadzianskaha niepadparadkavańnia i pryhraziŭ uładam Ukrainy mahčymym «uzbrojenym supracivam».
Pra heta jon napisaŭ na svajoj staroncy ŭ sacsietcy ŭ adkaz na zatrymańnie členaŭ «Pravaha siektara» ŭ Adesie. Tam aryštavali lidara miascovaha «Aŭtamajdana» i lidara «Pravaha siektara».
«Papiaredžvaju ŭładny režym: chopić hulacca ŭ kontrrevalucyju, chopić padyhryvać Pucinu i razhojdvać dziaržavu — bo mienavita hetym vy zajmajeciesia apošnija paŭtara hoda. Narodnaje ciarpieńnie ŭžo łopajecca i strymlivać ludziej ad uzbrojenaha supracivu stanovicca niemahčymym», — napisaŭ Jaraš.
Jon zaklikaŭ ułady «spynić represii» suprać patryjotaŭ. U advarotnym vypadku «zavieršycie svajo praŭleńnie vielmi drenna… Na hety raz uciakčy z Ukrainy, jak vašyja papiaredniki, nie atrymajecca», — zajaviŭ Dźmitryj Jaraš.
«Zaklikaju ŭsich hramadzian Ukrainy, bajcoŭ i aktyvistaŭ Nacyjanalna-vyzvolnaha ruchu «Pravy siektar» pryhatavacca da aktyŭnych akcyj hramadzianskaha niepadparadkavańnia, asnoŭnaj metaj jakich budzie likvidacyja režymu ŭnutranaj akupacyi i zdabyćcio nacyjanalnaj dziaržaŭnaści ŭkrainskaha naroda», — napisaŭ jon.
Učora, 8 vieraśnia, Prymorski rajonny sud Adesy aryštavaŭ na 2 miesiacy lidera miascovaha «Avtomajdana» Jaŭhiena Rezvuškina pa abvinavačvańni ŭ napadzie na prakurora.
Adbyŭsia napad 27 traŭnia, kali Apielacyjny sud Adeskaj vobłaści razhladaŭ apielacyju abaroncy hramadzianina, jakoha padazrajuć u sieparatyźmie. Paśla pasiadžeńnia hramadskija aktyvisty pahražali rabotniku prakuratury fizičnym hvałtam u suviazi ź nibyta nienaležnym vykanańniem słužbovych abaviazkaŭ, sprabavali sunuć jaho ŭ śmiećcievy bak, paškodzili formu.
Taksama ŭčora toj ža Prymorski rajonny sud Adesy aryštavaŭ na 2 miesiacy kaardynatara «Pravaha siektara» ŭ Kaminternaŭski rajonie Adeskaj vobłaści Rusłana Dziemčuka, padazravanaha ŭ vykradańni deputata Kaminternaŭskaha rajsavieta Siarhieja Ščerbič. Dziamčuk svaju vinu nie pryznaje.
Bolš za 100 aktyvistaŭ «Pravaha siektara», «Rady hramadzianskaj biaśpieki», «Samaabarony Majdana», «Aŭtamajdana», jakija sabralisia la budynka suda sprabavali prarvacca da budynka suda, padpalić šyny.
