9 sakavika spoŭniłasia 125 hadoŭ z dnia naradžeńnia adnaho z zasnavalnikaŭ biełaruskaha teatru — Franciška Alachnoviča.
U Vilni, dzie Alachnovič žyŭ i dzie zahinuŭ ad ruk nieviadomaha zabojcy ŭ 1944 hodzie, ušanavali jahonuju pamiać vilenskija biełarusy — prynieśli kvietki da miesca jahonaha viečnaha spačynu i symbaličnaha pachavańnia. Heta značyć da kaplicy na miescy byłych Kalvinskich mohiłak: tamaka jaho pachavali. A paśla na miescy jahonaha symbaličnaha pierapachavańnia — na Litarackaj horcy, na mohiłkach Rosy.
«My sustrakajemsia: tradycyjny džentelmenski pacałunak ruki i mocny pocisk. Kali b Francišak Alachnovič dažyŭ da vaśmidziesiaci z hakam hadoŭ (a mienavita stolki jahonamu synu), to my b, napeŭna, skazali, što syn padobny da baćki jak dźvie kropli vady». Alachnovič vačym svaich dziaciej i praz pryzmu ichnych losaŭ — u ese Ludviki Kardzis.
