Hramadzianin Pavieł Hieorhijevič Tapuzidzis zarehistravany členam vybarčaj kamisii na ŭčastku dla hałasavańnia №69, jaki znachodzicca ŭ staličnaj škole №199 na vulicy Pimiena Pančanki.
Heta vynikaje z rašeńnia №667 administracyi Frunzienskaha rajona Minska za 26 žniŭnia 2015 hoda.
Tapuzidzis byŭ vyłučany ŭ kamisiju «ad pracoŭnaha kalektyvu buchhałteryi «Tytuń-Inviest». Razam ź inšymi 12 členami kamisii jon pavinien padčas hałasavańnia (u tym liku daterminovaha) znachodzicca ŭ škole, ŭłasnaručna vydavać biuleteni žycharam Sucharava, a paśla ličyć hałasy.
Admietnaść situacyi ŭ tym, što Pavieł Tapuzidzis — adzin z samych bahatych ludziej krainy. U rejtynhu samych paśpiachovych i upłyvovych biznesmienaŭ Biełarusi, składzienym «Ježiednievnikom», jon zajmaje 4-je miesca.
U rejtynhu «Top-100 samych upłyvovych biełarusaŭ» ad «Našaj Nivy» ekśpierty pastavili Tapuzidzisa na 47-je miesca.
Miljarderu naležyć kampanija «Tytuń-Inviest» (adzin pryvatny vytvorcy cyharet u Biełarusi), a taksama sietka hipiermarkietaŭ «Karona» i elitny kłub «Robinsan» na bierazie Minskaha mora.
Tapuzidzis biare na siabie takuju «palityčnuju» nahruzku nie pieršy raz. Jon byŭ u vybarčych kamisijach i padčas prezidenckich vybaraŭ 2010 hoda i na parłamienckich u 2012 hodzie.
Čytajcie taksama:
